తన మొదటి సినిమాతోనే టాలీవుడ్ లో సత్తా చాటిన యంగ్ అండ్ టాలెంటెడ్ డైరెక్టర్ ప్రశాంత్ వర్మ తెరకెక్కించిన సూపర్ హీరో మూవీ “హను మాన్” తో ఊహించని ట్రీట్ ఇచ్చి తెలుగు సినిమా నుంచి కూడా ఒక సూపర్ హీరోని పరిచయం చేసాడు.
అయితే సూపర్ హీరో జానర్ కి మైథలాజి మిక్స్ చేసి చేసిన ఆ సినిమా పెద్ద హిట్ అందుకుంది. దానికి సీక్వెల్ పై భారీ హైప్ నెలకొంది.
మరి పార్ట్ 2 గా “జై హనుమాన్” ని అనౌన్స్ చేయగా తాజాగానే హనుమాన్ పాత్రలో కన్నడ నటుడు రిషబ్ శెట్టి కనిపించనున్నట్టు ఫస్ట్ లుక్ పోస్టర్ ని విడుదల చేశారు. మరి దీనికి మంచి రెస్పాన్స్ రాగా తాజా గా ఈ సినిమా సెట్స్ నుంచి ఇంట్రెస్టింగ్ పిక్ తో ఒక పోస్ట్ ని ప్రశాంత్ వర్మ అభిమానులతో పంచుకున్నాడు. సెట్స్ లో హనుమాన్ గెటప్ లో ఉన్న రిషబ్ తో ఏదో డిస్కస్ చేస్తున్నట్టుగా ఇందులో కనిపిస్తుంది.
అలాగే జై హనుమాన్ కోసం రిషబ్ గారు ఎంతో డెడికేషన్, కమిట్మెంట్ తో ట్రాన్ఫర్మ్ అయ్యారు అని కర్ణాటక నుంచి గ్లోబల్ వైడ్ గా తన ఫ్యాన్స్ కి ఓ మర్చిపోలేని అనుభూతిని అందిస్తారు అని రిషబ్ సర్ తో జై హనుమాన్ మొదలు పెట్టడం ఎంతో ఆనందంగా ఉంది అంటూ ప్రశాంత్ వర్మ ఎగ్జైట్ అయ్యాడు. దీంతో వీరిద్దరి పిక్ ప్రస్తుతం వైరల్ గా మారింది.
