ప్రముఖ వివాదాస్పద జ్యోతిష్యుడు వేణుస్వామి గురించి తెలియని వారు ఎవరూ ఉండరు. నటులు, నటీమణులు, రాజకీయవేత్తలపై షాకింగ్ కామెంట్లు చేస్తూ వారి జాతకాలు చెబుతూ ఎప్పుడూ వార్తల్లో నిలుస్తుంటారు. అలాగే వేణు స్వామి భార్య వీణా శ్రీవాణి గురించి కూడా తెలియని వారుండరు. సినిమా పాటలతో పాటు..భక్తి గీతాలను కూడా వీణతో వాయించడం లో ఆమెకు ప్రత్యేక గుర్తింపు తెచ్చుకున్న విషయం తెలిసిందే.
అంతేకాకుండా ఆమె సోషల్‌ మీడియాలో కూడా ఎప్పుడూ యాక్టివ్‌ గా ఉంటారామె. తాజాగా ఆమె ప్రభాస్ కు ఓ గిఫ్ట్‌ పంపించినట్లు ఆమె తాజాగా విడుదల చేసిన వీడియోలో పేర్కొన్నారు. ఈ వీడియోలో ఆమె మాట్లాడుతూ…‘మా ఇంటికి వచ్చే ఫ్రూట్స్, వెజిటేబుల్స్ అందరికి పంచిపెట్టడం మాకు అలవాటు. అదే రీతిలో కొన్ని రోజుల క్రితం కొన్ని పళ్లను మేము ఓ ప్రత్యేకమైన వ్యక్తి ఇంటికి వెళ్లాయి. అక్కడ నుంచచి అవి డార్లింగ్‌ ప్రభాస్ కు పంపారు. వాటిని తిన్న ఆయన ఇవి చాలా బాగున్నాయి. మరిన్ని పంపించండి అని అడిగారు. పాన్ ఇండియా స్టార్ ప్రభాస్ అడిగితే పంపించమా.. ఈరోజు పంపిస్తున్నాను. ఈ పంటే లాస్ట్.. ఎవరికి పెట్టకండి. మీరే తినేయ్యండి. మళ్లీ సీజన్‌లో ఎక్కువ పంపిస్తాను అప్పుడు పంచిపెట్టడండి. అలాగే ఇది నా క్యూట్ గిప్ట్ మీ కోసం. హాండ్ మేడ్, కస్టమైడ్, ఆర్గానిక్ బ్యాగ్. మీరు షూటింగ్స్‌కు వెళ్లేటప్పుడు ఇందులో ఫ్రూట్స్ పట్టుకుని వెళ్లండి. ఆరోగ్యానికి మంచిది’ అంటూ చెప్పుకొచ్చింది.
ప్రస్తుతం ఈ వీడియో నెట్టింట వైరల్ కావడంతో.. ‘ప్రభాస్ అన్నా ఫ్యాన్స్.. మీ భర్తను వేసుకుంటున్నారు కదా.. అందుకే పబ్లిసిటీ స్టంట్ చేస్తున్నావా’ అంటూ కామెంట్లు పెడుతున్నారు.
