యంగ్‌ రెబల్‌ స్టార్‌ ప్రభాస్ ప్రస్తుతం చేతి నిండా సినిమాలతో ఫుల్‌ బిజీగా ఉన్నాడు. మారుతితో ఓ సినిమా, నాగ అశ్విన్‌ తో ఓ సినిమా,మంచు విష్ణు కన్నప్పలో నటిస్తూ బిజీబిజీ గా ఉన్నాడు. యంగ్‌ డైరెక్టర్‌ మారుతితో చేస్తున్న పాన్‌ ఇండియా సినిమా ది రాజా సాబ్‌ కూడా ఒకటి. ఈ సినిమా షూటింగ్ చాలా వేగంగా జరుగుతుంది.
తాజాగా ఈ సినిమా షూటింగ్ రామోజీ ఫిల్మ్‌ సిటీలో జరుగుతుండగా.. ఇందులోకి ఇస్మార్ట్‌ శంకర్‌ బ్యూటీ నిధి అగర్వాల్‌ కూడా ఎంట్రీ ఇచ్చింది. ఇప్పుడు వీరిద్దరి కాంబినేషన్ లో అదిరే సాంగ్ ని మారుతీ తెరకెక్కిస్తున్నట్టుగా సమాచారం. ఈ క్రమంలోనే షూటింగ్ స్పాట్ నుంచి ఓ పిక్‌ బయటకు వచ్చింది.
అది కాస్తా వైరల్ గా మారుతుండగా ఈ సాంగ్ లో అయితే ప్రభాస్ అదరగొట్టేస్తాడని తెలుస్తుంది. ఈ చిత్రంలో మరో హీరోయిన్ మాళవిక మోహనన్ కూడా నటిస్తుండగా సంజయ్ దత్ కీలక పాత్ర పోషిస్తున్నారు.
