పాన్ ఇండియా స్టా, యంగ్‌ రెబల్‌ స్టార్‌ స్ ప్రస్తుతం వరుసగా సినిమాలతో ఫుల్‌ బిజీగా ఉన్నాడు. ఇప్పటికే ఆయన నటించిన ‘ది రాజా సాబ్’ షూటింగ్ శరవేగంగా నడుస్తుంది. ఈ సినిమాలో ప్రభాస్ లుక్‌కి సంబంధించిన మోషన్ పోస్టర్ ఆయనపుట్టిన రోజు సందర్భంగా మూడు రోజుల క్రితం విడుదల అయ్యింది.
ఈ మోషన్ పోస్టర్‌కి ప్రేక్షకుల నుండి సాలిడ్ రెస్పాన్స్ అందింది. ఇక ఈ సినిమా పూర్తవ్వక ముందే, ప్రభాస్ తన నెక్స్ట్ మూవీని కూడా మొదలుపెట్టేశాడు. దర్శకుడు హను రాఘవపూడి డైరెక్షన్‌లో ఓ పీరియాడిక్ వార్ అండ్ రొమాంటిక్ మూవీలో ప్రభాస్ యాక్ట్‌ చేస్తున్న సంగతి తెలిసిందే.
ఇప్పటికే అధికారికంగా లాంచ్ అయిన ఈ సినిమా షూటింగ్ కూడా కొద్ది రోజుల క్రితం మొదలు అయ్యింది. అయితే, తాజా సమాచారం ప్రకారం ఈ సినిమా షూటింగ్‌లో ప్రభాస్ కూడా జాయిన్ అయినట్లుగా తెలుస్తుంది. పీరియాడిక్ వార్‌కి సంబంధించిన సెట్స్‌లో ప్రస్తుతం ఈ చిత్ర షూటింగ్ జరుగుతోందని సినీ సర్కిల్స్‌లో వార్తలు వినపడుతున్నాయి.
ఇక ఈ సినిమాలో ఇమాన్వి హీరోయిన్‌గా టాలీవుడ్‌ కి పరిచయం అవుతోంది. ఈ సినిమాను మైత్రీ మూవీ మేకర్స్ అత్యంత భారీ బడ్జెట్‌తో నిర్మిస్తున్నారు. విశాల్ చంద్రశేఖర్ ఈ చిత్రానికి సంగీతం అందించనున్నట్లు సమాచారం.
