టాలీవుడ్‌ లో కామెడీ పాత్రలు చేస్తూ హీరోగా మారిన వారెందరో ఉన్నారు. వారిలో ప్రియదర్శి కూడా ఒకరు. మల్లేశం బయోపిక్‌ తో హీరోగా మారాడు. ఆ సినిమా ప్రియదర్శికి నటుడిగా మంచి పేరు తెచ్చి పెట్టింది.ఆ తరువాత బలగం సినిమాతో ప్రియదర్శి తన కెరీర్‌ లోనే పెద్ద హిట్‌ అందుకున్నాడు.
బలగం తరువాత ప్రియదర్శికి వరుస ఆఫర్లు వస్తున్నాయి. దీంతో ఆయన ఫుల్‌ బిజీగా మారిపోయాడు. అయితే గత రెండు రోజులుగా సోషల్‌ మీడియాలో ప్రియదర్శి , నటి నభా నటేష్ మధ్య డార్లింగ్ వివాదం నడుసత్ఉంది. ఆ గొడవ అంత వారి రాబోయే చిత్ర ప్రమోషన్స్ కోసమే అని తెలిసిపోయింది. హీరో ప్రియదర్శి ఇస్మార్ట్ బ్యూటీ నభా నటేష్ ప్రధాన పాత్రల్లో ఓ రొమాంటిక్ కామెడీ ఎంటర్టైనర్ తెరకెక్కనుంది .ఈ సినిమాకు ‘డార్లింగ్’ అనే టైటిల్ ని మేకర్స్ ఫిక్స్ చేసారు.
‘వై దిస్ కొలవెరి’ అంటూ ట్యాగ్ లైన్ ను ఉంచారు. తాజాగా ఈ సినిమా టైటిల్ ని చిత్ర బృందం ప్రకటించడమే కాకుండా..గ్లింప్స్ ను కూడా విడుదల చేశారు. తమిళ్ దర్శకుడు అశ్విన్ రామ్ ఈ చిత్రాన్ని రూపొందిస్తున్నారు.వివేక్ సాగర్ ఈ మూవీకి మ్యూజిక్ అందించనున్నారు . ఈ సినిమాలో అనన్య నాగళ్ళ, మురళీధర్ గౌడ్, శివ రెడ్డి, కృష్ణ తేజ వంటి తదితరులు ముఖ్యపాత్రలు పోషిస్తున్నారు .ఈ సినిమా టీజర్ చూస్తే ఇందులో భార్య భర్తల మధ్య జరిగే గొడవ నేపథ్యంలో జరిగే కథ అని తెలుస్తోంది.
