పవర్ స్టార్ పవన్ కళ్యాణ్ ఏపీ డిప్యూటీ సీఎంగా ఉండటంతో ఫుల్‌ బిజీగా ఉన్న సంగతి తెలిసిందే. దీంతో ఆయన చేస్తున్న సినిమాల భవిష్యత్తు ప్రశ్నార్ధకంగా మారింది. ఈ మధ్య పిఠాపురం సభలో మాట్లాడుతూ OG చిత్రం పూర్తి చేస్తానని అభిమానుల సమక్షంలో ప్రకటించారు. దీంతో ఫ్యాన్స్ ఈ సినిమా ఎప్పుడు వస్తుందా అని ఎంతో ఆశగా ఎదురుచూస్తున్నారు.
పవర్ స్టార్ నటించి థియేటర్లలో లాస్ట్‌ గా సందడి చేసింది 2021లో వచ్చిన వకీల్ సాబ్ సినిమాలోనే. కాగా OG షూటింగ్ లో పవన్ కళ్యాణ్ త్వరలోనే పాల్గొనబోతున్నారని…. ఆ విషయం గురించి నిర్మాతలకు హామీ కూడా ఇవ్వడం కూడా జరిగిందనే టాక్ ఇండస్ట్రీ లో వినిపిస్తుంది. ఇదిలా ఉంటే సురేందర్ రెడ్డి దర్శకత్వంలో SRT బ్యానర్ లో రామ్ తాళ్లూరి ఓ చిత్రాన్ని నిర్మించనున్నట్టు గతంలో ప్రకటించాడు. కానీ ఇప్పటికీ ఈ చిత్రం సెట్స్ పైకి వెళ్లలేదు.
ఈ విషయమై నిర్మాత రామ్ తాళ్లూరిని ఓ సినిమా విలేఖరి అడగగా నిర్మాత మాట్లాడుతూ “కథ లాక్ చేశాం, నిర్మాణ పరంగా అన్ని సెట్ రెడీ అయ్యాయి. పవన్ ఓకే చెప్పడమే ఆలస్యం. ఆయన ఎప్పుడు వచ్చినా మేము రెడీ గా ఉన్నాం” అంటూ చెప్పుకొచ్చారు. మరోవైపు AM. రత్నం నిర్మించే హర హర వీరమల్లు సగం షూటింగ్ ఫినిష్ చేసి మిగతా షూట్ కోసం పవన్ డేట్స్ ఇస్తే దానిని పూర్తి చేసేందుకురెడీ గా ఉన్నారు.
