కోలీవుడ్ తో పాటు తెలుగులో కూడా మంచి ఫేమ్ ఉన్న హీరోస్ లో టాలెంటెడ్ నటుడు సిద్ధార్థ్ కూడా ఒకరు. మరి సిద్ధార్థ్ తెలుగులో సినిమాలు ఆపేసినప్పటికీ సినిమాలకి మాత్రం టాలీవుడ్ దగ్గర సాలిడ్ క్రేజ్ ఉంది. దీంతో పలు చిత్రాలకి తెలుగులో రీరిలీజ్ కి వచ్చి మంచి రెస్పాన్స్ కూడా అందుకున్నాయి. కానీ తన నుంచి కొత్త సినిమాలు మాత్రం ఒకింత స్ట్రగుల్ అవుతున్నాయి.
దీనికి తోడు మన టాలీవుడ్ స్టార్స్ పై సిద్ధార్థ్ చేస్తున్న కామెంట్లు ఇపుడు చర్చకి దారి తీశాయి.తాజాగానే ఐకాన్ స్టార్ అల్లు అర్జున్ నటించిన “పుష్ప 2” పాట్నా ఈవెంట్ పై చేసిన కామెంట్లు ప్రస్తుతం వైరల్‌ అవుతున్నాయి. ఊర్లలో ఇల్లు కూల్చడానికి జేసీబి వస్తే అది చూడ్డానికి కూడా జనాలు వస్తారు అంటూ చేసిన కామెంట్స్ అల్లు అర్జున్ ఫ్యాన్స్ సహా టాలీవుడ్ ఆడియెన్స్ కూడా ఒకింత హర్ట్ అయ్యారు.
ఇక ఈ గ్యాప్ లోనే తన లేటెస్ట్ చిత్రం “మిస్ యు” తెలుగులో కూడా విడుదలకి వచ్చింది. అయితే ఈ చిత్రానికి తెలుగులో థియేటర్స్ కి జనం లేరు టికెట్స్ కూడా అమ్ముడు పోవడంలేదు. దీంతో సిద్ధార్థ్ సినిమా కోసం ఇపుడు జేసీబిలో జనాలు వస్తున్నారు చాలా మంది అంటూ సోషల్ మీడియాలో నెటిజన్స్ తనపై ట్రోల్స్ మొదలు పెట్టారు. ఇలా తన మాటలు మళ్ళీ తనకే ఎఫెక్ట్ చూపించాయి అని చెప్పాలి.
