నటి శ్రియా రెడ్డి తెలుగులో విడుదలైన తమిళ్ సినిమా ‘పొగరు’ లో ఈశ్వరి పాత్ర తో టాలీవుడ్ ఆడియన్స్ కి బాగా దగ్గరైంది. ఆ తర్వాత కొన్నేళ్లు పాటు తెలుగు సినిమాల్లో పెద్దగా కనిపించని ఈ అమ్మడు .. గతేడాది ‘సలార్‌’ సినిమాతో మళ్ళీ సెకండ్ ఇన్నింగ్స్ మొదలు పెట్టింది. ప్రస్తుత శ్రియా పవన్ కళ్యాణ్ ‘ఓజీ’ సినిమా లో నటిస్తుంది.
అయితే తాజాగా ఓ ఇంటర్వ్యూలో పాల్గొన్న శ్రియా రెడ్డి పవన్ కళ్యాణ్ గురించి మాట్లాడుతూ.. ఆయన పై ప్రశంసలు కురిపించింది. శ్రియా రెడ్డి మాట్లాడుతూ.. “పవన్ కళ్యాణ్ కాంబో లో ఇప్పటికే కొన్ని సన్నివేశాలు చేశాను.. ఆయన చాలా తెలివైన, మర్యాద గల వ్యక్తి. ఎంతో హుందాగా ఉంటారు. ఆయన ఒక అద్భుతమైన వ్యక్తి. ఎదుటివారితో ఆయన ప్రవర్తన, మాట్లాడే విధానం చాలా బాగుంటుంది” అని చెప్పారు.
‘సాహో’ ఫేమ్ సుజిత్ తెరకెక్కిస్తున్న ఈ చిత్రాన్ని డీవీవీ ఎంటర్ టైన్మెంట్స్ బ్యానర్ దానయ్య నిర్మిస్తున్నారు. ప్రస్తుతం ‘ఓజీ’ షూటింగ్ థాయ్‌లాండ్‌లో జరుగుతున్నట్లు సమాచారం.
