నితిన్ హీరోగా వెంకీ కుడుముల డైరెక్షన్‌ లో తెరకెక్కుతున్న చిత్రం ‘రాబిన్ హుడ్’. ఈ సినిమా వినోదం, సందేశంతో కూడిన యాక్షన్‌ థ్రిల్లర్‌గా తెరకెక్కుతుంది. ఇందులో నితిన్ సరసన శ్రీలీల కథానాయికగా నటిస్తుండగా.. రాజేంద్ర ప్రసాద్‌, వెన్నెల కిశోర్‌ తదితరులు కీలక పాత్రల్లో నటిస్తున్న విషయం తెలిసిందే. శరవేగంగా చిత్రీకరణ జరుపుకొంటున్న ఈ సినిమాకి సంబంధించిన ఓ వీడియో ప్రస్తుతం సోషల్ మీడియాలో వైరల్‌ అవుతోంది.
నెట్టింట వైరల్‌ అవుతున్న వీడియోలో నితిన్ వృద్ధుడి గెటప్‌లో కనిపిస్తున్నాడు. షాకింగ్ గెటప్‌లో నితిన్ అందరికీ హాయ్ చెప్పాడు. మరోవైపు శ్రీలీల కూడా వృద్ధురాలిగా కనిపించారు. రాబిన్ హుడ్ 25 ఏళ్ల తర్వాత ఇలా ఉంటాడు అంటూ వెంకీ కుడుముల ఆ ఫోటోల కింద కామెంట్ చేశాడు. మరి ఆ గెటప్‌లు ఫేస్‌ యాప్‌ ద్వారా చేశారా?.. లేదా సినిమాలో ఇలా కనిపిస్తారా? అన్న విషయం తెలియాల్సి ఉంది.
నితిన్ గెటప్‌ చూసి అందరూ షాక్ అవుతున్నారు. ‘బాబోయ్.. నితిన్ ఏంటి ఇలా మారిపోయాడు’, ‘షాకింగ్ లుక్ ఇది’ అంటూ ఫాన్స్ కామెంట్స్ చేస్తున్నారు.
