టాలీవుడ్ యంగ్ టాలెంటెడ్ హీరోలలో సాలిడ్ పర్సనాలిటీ కలిగిన యువ హీరో అశ్విన్ బాబు ఒకరని చెప్పుకొవచ్చు. ఆయన నటించిన తాజా సినిమా “శివం భజే” గురువారం థియేటర్లలోకి వచ్చిన సంగతి తెలిసిందే. డిఫరెంట్ సబ్జెక్టులతో ప్రేక్షకులను అలరిస్తున్న ఈ యంగ్ టాలెంటెడ్ హీరో, మరో ఎగ్జైటింగ్ ప్రాజెక్ట్‌తో త్వరలోనే మనముందుకు రాబోతున్నడని సమాచారం.
మెడికో థ్రిల్లర్‌గా తెరకెక్కుతున్న ఈ చిత్రానికి మామిడాల ఎం.ఆర్.కృష్ణ డైరెక్షన్‌ బాధ్యతలు చేపట్టారు. ప్రముఖ నిర్మాణ సంస్థ అరుణశ్రీ ఎంటర్‌టైన్‌మెంట్స్ ప్రొడక్షన్ నెంబర్-3 గా రూపొందుతున్న ఈ సినిమాని నిర్మాత టి.గణపతి రెడ్డి భారీ బడ్జెట్‌తో తెరకెక్కిస్తున్నారు.
ఆగస్టు 1 అశ్విన్ బాబు పుట్టిన రోజు సందర్భంగా, చిత్ర యూనిట్ అశ్విన్ బాబుకి పుట్టిన రోజు శుభాకాంక్షలు తెలియజేస్తూ స్పెషల్ పోస్టర్‌ను విడుదల చేసింది. ఈ పోస్టర్ సినిమాపై మరింత క్యూరియాసిటీని పెంచింది. ఈ సినిమాలో అశ్విన్ బాబుకి జోడిగా రియా సుమన్ నటిస్తుండగా అయేషా ఖాన్, మురళీ శర్మ, సచిన్ ఖేడేకర్, అజయ్, వీటివి గణేష్, యెష్నా చౌదరి, సుదర్శన్, షకలక శంకర్, రాఘవ ముఖ్య పాత్రల్లో కనిపించబోతున్నట్లు చిత్ర బృందం తెలిపింది.
