తెలుగు సినిమాలు ఇప్పుడు వరల్డ్‌ వైడ్‌ గా తమ సత్తాని చాటుతున్నాయి. బాహుబలి, ఆర్ఆర్ఆర్, పుష్ప, సలార్, కల్కి చిత్రాలు భారతీయ సినిమాను మరో రేంజ్‌కు తీసుకెళ్లాయని చెప్పుకొవచ్చు. ఇప్పుడు బాక్సాఫీస్ వద్ద దండయాత్ర చేయడానికి ‘దేవర’ రెడీగా ఉండగా.. పుష్ప 2, ఎస్ఎస్ఎంబీ 29 రికార్డు నెలకొల్పడానికి రెడీ అవుతున్నాయి.
ప్రస్తుతం టాలీవుడ లో ఉన్న క్రేజ్ కారణంగా టాలీవుడ్‌ లో యాక్ట్‌ చేసేందుకు చాలా మంది నటీనటులు ముందుకు వస్తున్నారు. ముఖ్యంగా బాలీవుడ్ భామలు టాలీవుడ్‌పై కన్నేస్తున్నారు.బాలీవుడ్ భామలు కృతి సనన్, కియారా అద్వానీ, శ్రద్దా కపూర్, దీపికా పదుకొనెలు తెలుగు సినిమాల్లో నటించారు. అందాల తార శ్రీదేవి కూతురు జాన్వీ కూడా టాలీవుడ్‌లోకి ఎంట్రీ ఇచ్చి రెండు సినిమాలకు సంతకం చేసేసింది. ఇప్పటికే దేవర పార్ట్ 1 పూర్తి చేసేసుకున్న జాన్వీ.. రామ్ చరణ్-బుచ్చిబాబు కాంబోలో వస్తున్న సినిమాలో కూడా యాక్ట్‌ చేయబోతున్నట్లు ప్రకటించిన సంగతి తెలిసిందే.
దేవర హిట్ అయితే జాన్వీకి తెలుగులో మరిన్ని అవకాశాలు రావడం ఖాయం. బాలీవుడ్ సీనియర్ నటి కరీనా కపూర్ కూడా టాలీవుడ్‌లో నటించే అవకాశాలు కనపడుతున్నాయి. ప్రభాస్ ‘స్పిరిట్’ సినిమాలో ఆమె నటించే అవకాశాలు ఉన్నట్లు కనిపిస్తుంది. మరో బాలీవుడ్ హీరోయిన్ కూడా టాలీవుడ్‌పై కన్నేసినట్లు తెలుస్తోంది. జాన్వీ కపూర్ బాటలోనే ఆమె బెస్ట్ ఫ్రెండ్ సారా అలీ ఖాన్ తెలుగులోకి ఎంట్రీ ఇవ్వాలనే ఆలోచనలో ఉందంట.
మంచి కథ కోసం సారా ఎదురుచూస్తున్నారని టాక్‌. మహేష్ బాబు, ఎన్టీఆర్, రామ్ చరణ్ లాంటి స్టార్ హీరోలకు సారా సరైన జోడిగా సెట్‌ అవుతుంది. బాలీవుడ్‌లో వరుస సినిమాలతో బిజీగా ఉన్న ఈ అమ్మడు ఎప్పుడు ఎంట్రీ ఇస్తుందో వేచి చూడాల్సిందే.
