నందమూరి నటి సింహం బాలయ్య బాబు గత సంవత్సరం భగవంత్‌ కేసరి సినిమాతో చాలా పెద్ద హిట్‌ అందుకున్న విషయం తెలిసిందే. ఈ సినిమాని యంగ్‌ డైరెక్టర్ అనిల్‌ రావిపూడి తెరకెక్కించారు. ఈ సినిమా వసూళ్ల పరంగా భారీ కలెక్షన్స్‌ ను రాబట్టింది. ఈ సినిమా బాలయ్య కెరీర్‌ లోనే అతి పెద్ద హిట్‌ గా నిలిచిన విషయం తెలిసిందే.
ప్రస్తుతం బాలయ్య డైరెక్టర్ బాబీ డైరెక్షన్ లో ఓ సినిమా చేస్తున్నారు. ఈ సినిమాను డైరెక్టర్ బాబీ బిగ్గెస్ట్ యాక్షన్ మూవీగా తెరకెక్కిస్తున్నారు.ఈ సినిమా “NBK 109 ” వర్కింగ్ టైటిల్ తో రూపుదిద్దుకుంటుంది. ఇప్పటికే ఈ సినిమా నుంచి మేకర్స్ విడుదల చేసిన గ్లిం ప్స్‌ వీడియో ప్రేక్షకులను విపరీతంగా ఆకట్టుకుంది. ఇందులో బాలయ్య మాస్ డైలాగ్స్ తో అదరగొట్టాడు. ప్రస్తుతం ఈ సినిమా షూటింగ్ శరవేగంగా జరుగుతుంది. దసరా కానుకగా ఈ సినిమాను విడుదల చేయాలని చిత్ర బృందం భావిస్తున్నట్లు సమాచారం. ఇదిలా ఉంటే నిన్న విశ్వక్ సేన్ నటించిన “గ్యాంగ్స్ ఆఫ్ గోదావరి” సినిమా ప్రీ రిలీజ్ ఈవెంట్ ఘనంగా జరిగింది .ఈ ఈవెంట్ కు బాలయ్య అతిదిగా విచ్చేశారు.
ఆ ఈవెంట్ లో నిర్మాత నాగ వంశీ మాట్లాడుతూ జూన్ 10 న బాలయ్య బర్త్ డే సందర్భంగా NBK 109 మూవీ నుంచి మరో భారీ అప్డేట్ ఇవ్వనున్నట్లు తెలిపారు.ఈ అప్డేట్ తో బాలయ్య ఫ్యాన్స్ కు ఆరోజు పూనకాలు వచ్చేస్తాయి అని నాగ వంశీ తెలిపారు.
