బాలీవుడ్ ముద్దుగుమ్మ శ్రద్దకపూర్‌, రాజ్ కుమార్ రావ్‌, పంకజ్‌ త్రిపాఠి ప్రధాన పాత్రల్లో నటిస్తున్న చిత్రం స్త్రీ 1 . ఈ సినిమా 2018 లో విడుదలై బాక్సాఫీస్‌ వద్ద సంచలన విజయాల్ని సొంతం చేసుకుంది. కామెడీ హర్రర్ నేపథ్యంలో ప్రేక్షకుల ముందుకు వచ్చిన ఈ సినిమా ఏకంగా 180 కోట్ల వసూళ్లు రాబట్టింది.
ఇప్పుడు ఈ చిత్రానికి సీక్వెల్ గా ‘స్త్రీ 2’ రూపుదిద్దుకుంటుంది. అమర్ కౌశిక్ దర్శకత్వం వహిస్తున్న ఈ మూవీలో మళ్ళీ శ్రద్ధ కపూర్, రాజ్ కుమార్ ప్రధాన పాత్రలు చేస్తున్నారు. మడాక్ ఫిల్మ్స్, జియో స్టూడియోస్ బ్యానర్ పై దినేష్ విజన్ ఈ సినిమాని నిర్మిస్తున్నారు. ప్రేక్షకులు ఎంతో ఆసక్తిగా ఎదురుచూస్తున్న ఈ సీక్వెల్ ఆగస్టు 15న విడుదల కానుంది.
ఈ నేపథ్యంలో తాజాగా మూవీ టీజర్ ని చిత్ర బృందం విడుదల చేసింది. ఓ స్త్రీ మమ్మల్ని కాపాడు’ అంటూ గోడలపై రాసిన రాతలతో టీజర్ భయపెడుతోంది . శ్రద్ధా కపూర్ స్త్రీ పాత్రలో కనిపించబోతుంది. టీజర్ మధ్యలో సైలెన్స్ , సడెన్ గా కనిపించే దెయ్యం విజువల్స్ భయపెట్టేలా ఉన్నాయి. హర్రర్ జోనర్ ఇష్టపడేవారికి థియేటర్స్ లో ఈ సినిమా మంచి అనుభవం ఇవ్వబోతున్నట్లు టీజర్ చూస్తే తెలుస్తుంది.
