బాల నటుడిగా కెరీర్ మొదలు పెట్టిన తేజ సజ్జా. ప్రస్తుతం హీరోగా సినిమాలు చేస్తున్న సంగతి తెలిసిందే. ప్రశాంత్ వర్మ, తేజ కాంబోలో వచ్చిన జాంబీరెడ్డి ద్వారా తేజ ఇండస్ట్రీకి పరిచయమయ్యాడు. నందినిరెడ్డి డైరెక్షనలో వచ్చిన ఓ బేబీ సినిమాలో క్యారెక్టర్‌ ఆర్టిస్ట్ గా చేశాడు. ఆ తరువాత ఇష్క్‌, అద్భుతం సినిమాలు చేసి ఓకే అనిపించుకున్నాడు.
ఈ ఏడాది సంక్రాంతి కానుకగా మరోసారి ప్రశాంత్ వర్మ, తేజ కాంబోలో వచ్చిన హనుమాన్ సినిమా ఎంత పెద్ద హిట్‌ అయ్యిందో తెలిసిందే. ఈ సినిమా దాదాపు 350 కోట్లు రాబట్టి రికార్డులు బద్దలు కొట్టింది. ఈ క్రమంలోనే తేజ తరువాత చిత్రం అందరూ జై హనుమాన్ అనుకున్నారు.కానీ ఆ సినిమాలో తేజ క్యారెక్టర్‌ కొంచెం సేపు ఉంటుందని… డైరెక్టర్ ఇప్పటికే చెప్పుకొచ్చారు.
దీంతో తేజ సజ్జా మరో సినిమాకు గ్రీన్ సిగ్నల్ ఇచ్చినట్లు తెలుస్తోంది. తేజ తన తరువాతి సినిమా ఈగల్ దర్శకుడు కార్తీక్ ఘట్టమనేనితో చేయబోతున్నట్లు టాక్‌. ఇప్పటికే ఈ విషయాన్ని ఈగల్ ప్రమోషన్స్ లో భాగంగా కార్తీక్ ఘట్టమనేని చెప్పుకొచ్చారు. ఇక తాజాగా అందుతున్న సమాచారం మేరకు తేజ సజ్జా కార్తీక్ ఘట్టమనేని సినిమా అధికారిక ప్రకటన శనివారం రాబోతుంది.
