యంగ్‌ టైగర్ ఎన్టీఆర్ సినిమాల కోసం ఫ్యాన్స్ వెయిట్ చేస్తున్నారు. తారక్‌ ప్రస్తుతం స్టార్ డైరెక్టర్ కొరటాల శివ దర్శకత్వంలో దేవర సినిమాలో చేస్తున్నాడు. ఆ సినిమా షూటింగ్ ను పూర్తి చేసుకున్న విషయం తెలిసిందే. ఈ సినిమా దసరా కానుకగా ప్రేక్షకుల ముందుకు రానుంది. ప్రస్తుతం ఈ సినిమా పోస్ట్ ప్రొడక్షన్‌ వర్క్‌ జరుపుకుంటుంది. దీంతో ఇప్పుడు ఆయన బాలీవుడ్ సినిమాపై ఫోకస్‌ పెట్టారు. హిందీలోకి ఎంట్రీ ఇస్తూ `వార్‌ 2`లో నటిస్తున్న విషయం తెలిసిందే.
ఇప్పటికే ఈ సినిమాలోని ఎన్టీఆర్ లుక్స్‌ వైరల్ అయిన సంగతి తెలిసిందే. బాలీవుడ్ హీరో హృతిక్ రోషన్ ఈ సినిమాలో నటిస్తున్నాడు. ఎన్టీఆర్ కూడా హీరోగా నటిస్తున్నాడు. ఈ సినిమాకి అయాన్‌ ముఖర్జీ దర్శకత్వం వహిస్తున్నాడు. ఈ మూవీలో తారక్‌ నెగటివ్ రోల్‌లో కనిపిస్తారని సమాచారం. అయితే చాలా రోజులుగా ఈ మూవీ చిత్రీకరణ జరుపుకుంటోంది. రీసెంట్ గా ఎన్టీఆర్ కూడా ఈ సినిమా షూటింగ్ లో పాల్గొన్నాడు.. ప్రస్తుతం ఎన్టీఆర్ ముంబైలోనే ఉన్నాడు..
అక్కడి సినిమా వాళ్లు ఎన్టీఆర్‌కి పార్టీ ఇచ్చారు. ప్రముఖ నటుడు అక్బర్‌ ఎన్టీఆర్‌పై ప్రశంసలు కురిపించారు. తాజాగా ఎన్టీఆర్ మరోసారి ముంబై కు వెళ్లాడు. ఎన్టీఆర్ విమానాశ్రయంలో ఉన్న ఫోటోలు నెట్టింట్లో హల్‌చల్‌ చేస్తున్నాయి. వైట్‌ షర్ట్, జీన్స్ లో మెరిశారు. మాస్ లుక్ లో ఎన్టీఆర్ సూపర్ గా ఉన్నాడు.
