యంగ్‌ టైగర్‌ ఎన్టీఆర్, బాలీవుడ్‌ స్టార్‌ హీరో హృతిక్ రోషన్‌ కాంబోలో రాబోతున్న మోస్ట్‌ అవైటెడ్ చిత్రం వార్ 2. ఈ సినిమాని బాలీవుడ్‌ డైరెక్టర్‌ అయాన్‌ ముఖర్జీ దర్శకత్వం వహిస్తున్న సంగతి తెలిసిందే. ఈ సినిమాని యశ్‌ రాజ్‌ ఫిలిమ్స్‌ , స్పై సినిమాటిక్‌ యూనివర్స్‌ లో భాగంగా వార్ 2 రూపుదిద్దుకుటుంది.
ఇప్పటికే ఈ చిత్రం షూటింగ్ మొదలు అయ్యింది. కొద్ది రోజుల క్రితం ఈ షూటింగ్ లో జూనియర్‌ ఎన్టీఆర్ కూడా జాయిన్‌ అయిన సంగతి తెలిసిందే. ఈ షెడ్యూల్‌ లో ఎన్టీఆర్, హృతిక్ కాంబోలో వచ్చే సన్నివేశాలను చిత్రీకరిస్తున్నారు. తాజాగా ఈ షూటింగ్ సెట్స్ నుంచి రెండు ఫొటోలు లీక్ అయ్యాయి. ఆ పిక్స్ లో హృతిక్ అండ్ ఎన్టీఆర్ కనిపిస్తున్నారు.
హృతిక్ బులెట్ జాకెట్ ధరించి టీ తాగుతూ కనిపిస్తుంటే.. ఎన్టీఆర్ బ్లాక్ టీ-షర్ట్ లో నడుస్తూ ఉన్నారు. ప్రస్తుతం ఈ లీక్డ్ పిక్స్ నెట్టింట బాగా వైరల్ అవుతున్నాయి . ప్రస్తుతం ఎన్టీఆర్,హృతిక్ మధ్య యాక్షన్ సీన్స్ చిత్రీకరిస్తున్నట్లు సమాచారం .ఇదిలా ఉంటే ఈ లీక్డ్ పిక్స్ షేర్ చేస్తూ ఫ్యాన్స్ నెట్టింట తెగ సందడి చేస్తున్నారు. ఇదిలా ఉంటే ఈ చిత్రంలో ఎన్టీఆర్ రా ఏజెంట్ గా కనిపించబోతున్న సంగతి తెలిసిందే.
ఈ మూవీలో ఎన్టీఆర్ పాత్ర నిడివి తక్కువ సమయమే ఉంటుందన్న విషయం తెలిసిందే. వార్ 2 లో ఎన్టీఆర్ పాత్రకి సంబంధించిన సీన్స్ చిత్రీకరించడం కోసం ఎన్టీఆర్ 60 రోజుల డేట్స్ ని కేటాయించారని సమాచారం.
