పాన్ ఇండియా స్టార్ ప్రభాస్ ప్రస్తుతం చేతినిండా సినిమాలతో ఫుల్‌ బిజీగా ఉన్నాడు. . ఇప్పటికే టాలెంటెడ్ డైరెక్టర్‌ మారుతి డైరెక్షన్‌లో ‘ది రాజా సాబ్’ సినిమాలో నటిస్తున్న ప్రభాస్ తన నెక్స్ట్ సినిమాని దర్శకుడు హను రాఘవపూడి డైరెక్షన్‌లో మొదలు పెట్టాడు. ఇక ఈ రెండు సినిమాలపై ప్రభాస్ ప్రస్తుతం పూర్తి ఫోకస్ పెట్టాడు.
హార్రర్ కామెడీ జోనర్‌లో తెరకెక్కుతున్న ‘ది రాజా సాబ్’ చిత్రంలో ప్రభాస్ రెండు వైవిధ్యమైనా పాత్రల్లో చేస్తున్నాడు. ఇక ఈ సినిమా షూటింగ్ ప్రస్తుతం శరవేగంగా జరుగుతోంది. అయితే, హీరో లేని సీన్లు తెరకెక్కిస్తున్నారట మేకర్స్. అటు హను రాఘవపూడి డైరెక్ట్ చేస్తున్న పీరియాడిక్ వార్ మూవీ ‘ఫౌజీ’ రెగ్యులర్ షూటింగ్ కూడా శరవేగంగా నడుస్తుంది.
ఈ సినిమా షూటింగ్‌లో ప్రభాస్ ఇటీవల జాయిన్ అయ్యాడు. పలు కీలక సన్నివేశాలు తెరకెక్కిస్తున్నారట మేకర్స్. ఈ సినిమాలో అందాల భామ ఇమాన్వి హీరోయిన్‌గా ఎంట్రీ ఇస్తుంది. ఇలా ప్రభాస్ నటిస్తున్న రెండు సినిమాలు కూడా బిజీగా షూటింగ్ జరుపుకుంటున్నాయి.
