నేచురల్ స్టార్ నాని , యంగ్‌ డైరెక్టర్‌ వివేక్‌ ఆత్రేయ కాంబోలో వస్తున్న సినిమా సరిపోదా శనివారం. గతేడాది నాని వరుస హిట్లను సొంతం చేసుకున్నాడు. నాని, వివేక్‌ ఇంతకు ముందే ఓ సినిమా చేయగా అది అంత పెద్దగా హిట్‌ కాలేదు. దీంతో ఈ సారి ఎలాగైనా సరే హిట్‌ కొట్టాలనే గట్టి పట్టుదలతో ఉన్నారు వీరిద్దరూ.
ఈ క్రమంలోనే సరిపోదా శనివారం సినిమాతో ప్రేక్షకులను కట్టిపడేసుందుకు సిద్దమయ్యారు. ఈ సినిమా గురించి ఎప్పటికప్పుడు ఇంట్రెస్టింగ్‌ అప్డేట్స్‌ తో మాస్‌ లో మంచి ఇంట్రస్ట్‌ ని క్రియేట్‌ చేస్తున్నాడు నాని. ఈ క్రమంలో తాజాగా ఈ సినిమా నుంచి మరో అదిరిపోయే అప్డేట్‌ ని ప్రేక్షకుల ముందుకు తీసుకుని వచ్చారు.
ఈ సినిమా నుంచి సాలిడ్‌ యాక్షన్‌ మోడ్ లో ఉన్న ఓ యాక్షన్‌ అప్డేట్‌ ని అందించారు. సెట్‌ నుంచి నాని ఉన్న ఓ పోస్టర్‌ ని విడుదల చేశారు. ఆ పోస్టర్‌ లో నాని చేతికి రక్తపు మరకలు ఉన్నాయి. దీన్ని బట్టి చూస్తే నాని మాస్‌ యాక్షన్‌ సీక్వెన్స్‌ ని తెరకెక్కిస్తున్నాడని తెలుస్తుంది.
ఈ చిత్రంలో డైరెక్టర్‌ ఎస్‌జే సూర్య కీలక పాత్ర చేస్తుండగా మలయాళ భామ ప్రియాంక మోహన్‌ కథానాయికగా చేస్తుంది.
