పాన్ ఇండియా స్టార్ ప్రభాస్ నుంచి వస్తున్న లేటెస్ట్ ప్రాజెక్ట్ “ది రాజాసాబ్” టీజర్ ఇప్పుడు అందరి దృష్టిని ఆకర్షిస్తోంది. మారుతి దర్శకత్వంలో తెరకెక్కుతున్న ఈ సినిమా ఓ హార్రర్ ఫాంటసీ డ్రామాగా రూపొందుతోంది. టీజర్ చూస్తే కథలో భయం, కామెడీ, మిస్టరీ అన్నీ కలిపిన ఎలిమెంట్స్ కనిపించాయి. ఆ గ్రాఫిక్స్, విజువల్స్ సినిమాకి కొత్త టచ్ ఇచ్చాయి.
ప్రభాస్ ఇందులో రెండు విభిన్నమైన రోల్స్ చేస్తున్నట్టు టీజర్ ద్వారా అర్థమవుతుంది. వీటిలో ఒకటి ఫుల్ ఫన్‌తో కనిపిస్తే, మరొకటి సీరియస్ షేడ్స్‌తో థ్రిల్ కలిగించేదిగా కనిపించింది. ఇలా డబుల్ రోల్ లో ప్రభాస్ ఎలా కనిపిస్తాడో అని ఫ్యాన్స్‌ ఇప్పుడు బాగా ఉత్సాహంగా ఉన్నారు.
ఇక ఈ సినిమాలో నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటిస్తున్నారు. ఇందులో ఓ ఇంట్రెస్టింగ్ విషయం ఏంటంటే.. నిధి అగర్వాల్ ఈసారి తన పాత్రకు స్వయంగా డబ్బింగ్ చెప్పిందట. తెలుగు భాషపై తనకు ఉన్న ప్యాషన్‌తోనే ఆ నిర్ణయం తీసుకుందట. తాను చేసిన పాత్ర ఆడియెన్స్‌కి దగ్గరవ్వాలంటే తనే డబ్బింగ్ చెయ్యాలని భావించిందట.
మరోవైపు, బాలీవుడ్ నుంచి సంజయ్ దత్ ఈ సినిమాలో ఓ పవర్‌ఫుల్ క్యారెక్టర్ చేస్తున్నాడు. ఈ సినిమాకి మ్యూజిక్ కంపోజర్‌గా థమన్ పని చేస్తున్నాడు. పాటలతో పాటు బీజీఎం కూడా బాగుంటుందని టీజర్ చూశాక అంచనా వేసుకోవచ్చు.
ఈ సినిమాని పీపుల్ మీడియా ఫ్యాక్టరీ బ్యానర్‌పై టి.జి. విశ్వప్రసాద్ నిర్మిస్తున్నారు. టీజర్ చూశాక మూవీ మీద బజ్‌ బాగా పెరిగిపోయింది. ప్రభాస్ ఈసారి మరోసారి థియేటర్ల దగ్గర హంగామా చేయడం ఖాయమని అభిమానులు నమ్ముతున్నారు.
