స్పిరిట్ విడుదల పై సరికొత్త బజ్! పాన్ ఇండియా యంగ్‌ రెబల్‌ స్టార్ ప్రభాస్ ప్రస్తుతం వరుసబెట్టి సినిమాలు చేస్తూ బిజీగా ఉన్నాడు. ఇప్పటికే ఆయన నటిస్తున్న ‘ది రాజా సాబ్’ చిత్రం మెజారిటీ శాతం షూటింగ్ పూర్తి చేసుకుంది. ఇక మరో సినిమా ‘ఫౌజీ’ని డైరెక్టర్ హను రాఘవపూడి డైరెక్షన్‌లో తెరకెక్కిస్తున్నాడు.
ఇక ఈ రెండు సినిమాలతో పాటు సెన్సేషనల్ డైరెక్టర్ సందీప్ రెడ్డి వంగా దర్శకత్వంలో ‘స్పిరిట్’ అనే సినిమాను కూడా ప్రకటించాడు ప్రభాస్.దీంతో ‘స్పిరిట్’ మూవీ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను పవర్‌ఫుల్ కాప్ స్టోరీగా సందీప్ రెడ్డి వంగా తెరకెక్కించేందుకు రెడీగా ఉన్నాడు. ఇక ఈ సినిమాకు సంబంధించిన షూటింగ్‌ను త్వరలోనే స్టార్ట్ చేసేందుకు సందీప్ రెడ్డి సిద్దమవుతున్నాడు.
కాగా, ఈ సినిమా విడుదల తేదీ గురించి సోషల్ మీడియాలో సరికొత్త బజ్ ఒకటి వినపడుతుంది. ఈ చిత్రాన్ని 2027 ద్వితీయార్థంలో విడుదల చేసేందుకు చిత్ర యూనిట్ ప్లాన్ చేస్తున్నట్లు సమాచారం. 2025 చివరినాటికి ఈ సినిమా షూటింగ్‌ను మొదలు పెట్టాలని.. ఆ తర్వాత ఈ మూవీ షూటింగ్‌ను భారీ స్థాయిలో జరిపేందుకు చిత్ర యూనిట్ రెడీ అవుతున్నట్లు తెలుస్తుంది. ఈ లెక్కన 2027 లోనే ఈ సినిమా విడుదల అవ్వడం గ్యారంటీ అని తెలుస్తుంది. మరి ఈ చిత్ర విడుదల తేదీ పై వస్తున్న వార్తల్లో ఎంతవరకు నిజం ఉందో తెలియాల్సి ఉంది.
