నేచురల్ స్టార్ నాని హీరోగా నటించిన తాజా సినిమా సరిపోదా శనివారం ఈ నెల 29 వ తేదీన ఈ సినిమా ప్రేక్షకుల ముందుకు రాబోతుంది. వివేక్ ఆత్రేయ డైరెక్షన్ లో తెరకెక్కిన ఈ సినిమాలో ప్రియాంక మోహన్ హీరోయిన్ గా నటించగా, ఎస్ జే సూర్య విలన్ పాత్రలో నటించాడు. సినిమా విడుదల తేదీ దగ్గర పడుతున్న నేపథ్యంలో చిత్ర బృందం ప్రమోషన్స్ ను వేగవంతం చేసింది అందులో భాగంగా పలు ఇంటర్వ్యూలు కూడా అటెండ్ అవుతున్నారు.
అయితే తాజాగా సుమ చేసిన ఇంటర్వ్యూలో హీరో నాని, ప్రియాంక, ఎస్. జే. సూర్య లు పాల్గొన్నారు. నాని, పవర్‌ స్టార్ పవన్ కళ్యాణ్ లలో కామన్ పాయింట్ ఏంటని ప్రశ్నించగా, హీరో నాని ఇంట్రెస్టింగ్ కామెంట్స్ చేశాడు. తనకు సినిమా అంటే పిచ్చి అని చెప్పిన నాని, పవన్ మాత్రం ప్రజల కోసం అని అన్నాడు. నాని పవన్ పై చేసిన ఈ కామెంట్స్ ప్రస్తుతం సోషల్ మీడియాలో వైరల్‌ గా మారాయి.
