యంగ్ బ్యూటీ నివేదా థామస్ నటిస్తున్న తాజా చిత్రం ‘35 – చిన్న కథ కాదు’ ప్రేక్షకుల్లో మంచి హైప్‌ ను క్రియేట్ చేసింది. ఈ సినిమాను దర్శకుడు నందకిషోర్ ఈమని క్లీన్ ఎంటర్‌టైనర్ సినిమాగా దీనిని తెరకెక్కించాడు. ఈ సినిమా టీజర్, ట్రైలర్లు మంచి పాజిటివ్ వైబ్స్ ని క్రియేట్ చేశాయి. దీంతో ఈ సినిమాను చూసేందుకు ప్రేక్షకులు చాలా ఆసక్తిని చూపుతున్నారు.
తాజాగా ఈ సినిమా ప్రీ-రిలీజ్ ఈవెంట్‌ని ఎంతో వేడుకగా మూవీ మేకర్స్‌ నిర్వహిస్తున్నారు. ఈ ఈవెంట్‌కి చీఫ్ గెస్ట్‌గా నేచురల్ స్టార్ నాని వచ్చాడు. ఈ సందర్భంగా నాని మాట్లాడుతూ.. ఈ సినిమా చూస్తుంటే నా బయోపిక్ తీస్తున్నట్లుగా అనిపించింది. ఇందులో కుర్రాడు 35 మార్కులు తెచ్చుకునేందుకు కష్టపడతాడు. కానీ, నాకు అవి కూడా రాలేదు.’’ అంటూ నాని సరదాగా చెప్పుకొచ్చాడు.
ఇలా నాని ‘35’ సినిమాను ప్రమోట్ చేస్తుండటంతో ఈ సినిమాపై మూవీ లవర్స్‌లో ఈ సినిమా పై మంచి ఆసక్తి ఏర్పడింది. ఇక ఈ సినిమాను రానా దగ్గుబాటి ప్రెజెంట్ చేస్తుండగా.. ఇందులో విశ్వదేవ్, ప్రియదర్శి, గౌతమి తదితరులు ముఖ్య పాత్రల్లో నటిస్తున్నారు.
