మెగాస్టార్ చిరంజీవి హీరోగా నటిస్తున్న లేటెస్ట్ ఫాంటసీ ఎంటర్టైనర్ విశ్వంభరపై సినిమా ప్రకటన వచ్చిన దగ్గర నుంచి మంచి హైప్ కొనసాగుతోంది. చాలా కాలం తర్వాత చిరంజీవి ఫాంటసీ జానర్‌లో కనిపించబోతుండడంతో ఫ్యాన్స్‌ అంచనాలు భారీగా పెరిగిపోయాయి. త్రిష ఈ సినిమాలో హీరోయిన్‌గా నటిస్తుండగా, కల్యాణ్ వశిష్ఠ దర్శకత్వం వహిస్తున్నారు.
ప్రస్తుతం ఈ సినిమా షూటింగ్ శరవేగంగా జరుగుతుండగా, రిలీజ్ డేట్‌పై మాత్రం ఇప్పటికీ ఎలాంటి స్పష్టత ఇవ్వకపోవడంతో మెగా అభిమానుల్లో కాస్త అయోమయం నెలకొంది. అయితే సినిమా నుంచి ఓ ఇంట్రస్టింగ్ బజ్ బయటకు వచ్చింది. ఇందులో ఒక స్పెషల్ సాంగ్ ఉండబోతోందని, ఆ పాట కోసం బాలీవుడ్ బ్యూటీని సంప్రదించారనే గాసిప్స్ వినిపిస్తున్నాయి.
ఈ టాక్ ప్రకారం, నాగినీ సిరీస్‌తో ఫేమస్ అయిన మౌని రాయ్‌ని ఈ స్పెషల్ ఐటెం సాంగ్ కోసం మేకర్స్ అప్రోచ్ అయినట్టు సమాచారం. కానీ ఈ విషయంలో ఇంకా అధికారిక ప్రకటన వెలువడలేదు.
ఇక ఈ సినిమాకు సంగీతం అందిస్తోన్న వ్యక్తి ఎం ఎం కీరవాణి కాగా, నిర్మాతలుగా యూవీ క్రియేషన్స్ భారీ బడ్జెట్‌తో ఈ ప్రాజెక్ట్‌ను తెరకెక్కిస్తున్నారు. మాగ్నిఫిక్ విజువల్స్‌తో, గ్రాండ్ మేకింగ్‌తో తెరకెక్కుతున్న ఈ సినిమా ఫ్యామిలీ ఆడియన్స్‌తో పాటు ఫ్యాన్స్‌కి ప్రత్యేక అనుభూతినే ఇవ్వబోతోందన్నది టాక్.
