ఎంతోకాలంగా నాగచైతన్య, శోభిత దూళిపాళ లవ్‌లో ఉన్నారని.. త్వరలో పెళ్లి చేసుకోబోతున్నారని పెద్ద ఎత్తున ప్రచారం జరుగుతూ వచ్చిన సంగతి తెలిసిందే. అయితే కొంతకాలం క్రితం వరకు వీరు అలాంటిది ఏమి లేదని కొట్టిపారేస్తూ వచ్చారు. కానీ నేడు వాటిని అన్నింటిని నిజం చేస్తూ వారిద్దరూ అతి కొద్దిమంది అతిథుల సమక్షంలో ఎంగేజ్‌మెంట్ చేసుకున్నారు.
అందుకు సంబంధించిన ఫోటోలను కింగ్ నాగార్జున సోషల్ మీడియా వేదికగా షేర్ చేశారు. దీంతో.. చైతన్య, శోభితలకు సోషల్ మీడియా వేదికగా శుభాకాంక్షలు తెలియజేస్తున్నారు నెటిజన్లు. గురువారం ఉదయం 9:42 నిమిషాలకు శోభిత-చైతన్యలు ఉంగరాలు మార్చుకున్నారు. ఈ విషయాన్ని టాలీవుడ్ కింగ్, నాగచైతన్య తండ్రి నాగార్జున సోషల్ మీడియా ద్వారా అధికారికంగా తెలియజేశారు. చై-శోభిత జంటకు నెటిజన్లు, టాలీవుడ్ ప్రముఖులు శుభాకాంక్షలు చెబుతున్నారు.‘నా కుమారుడు నాగచైతన్య, శోభిత ధూళిపాళ్ల నిశ్చితార్థం ఈరోజు ఉదయం 9.42 గంటలకు జరిగింది.
ఈ విషయాన్ని మీతో పంచుకోవడం చాలా సంతోషంగా ఉంది. శోభితను మా కుటుంబంలోకి సంతోషంగా ఆహ్వానిస్తున్నాం. కొత్త జంటకు నా అభినందనలు. వీరి జీవితం మొత్తం సంతోషం, ప్రేమతో నిండాలని కోరుకుంటున్నా. దేవుడు కూడా ఆశీర్వదిస్తాడు. 8.8.8 అనంతమైన ప్రేమకు నాంది’ అని కింగ్ నాగార్జున ఎక్స్‌లో పేర్కొన్నారు. ఈ పోస్టులోనే చై-శోభిత ఎంగేజ్‌మెంట్ ఫోటోలను పంచుకున్నారు. అయితే.. ఇదే సమయంలో నాగార్జునకు సంబంధించిన వీడియో ఒకటి వైరల్ అవుతోంది. 2018లో అడవి శేష్ నటించిన ‘గూఢచారి’ సినిమా సక్సెస్ మీట్‌లో శోభిత ధూళిపాళ గురించి నాగార్జున చేసిన కామెంట్స్ ఇప్పుడు వైరల్ గా మారాయి.
‘శోభితా ధూళిపాళ.. ఆమె చాలా బాగుంది. నేను ఇలా చెప్పకూడదు కానీ, సినిమాలో శోభిత చాలా హాట్‌గా కనిపించింది. నా ఉద్దేశంలో ఆమెలో ఎంతో ఆకర్షణీయమైన విషయం ఉంది..’ అని నాగార్జున చెప్పుకొచ్చాడు. దీంతో.. నాగార్జున తనకు కాబోయే కోడలిపై షాకింగ్ కామెంట్స్ చేశారంటూ.. ఇప్పుడు సోషల్ మీడియాలో వైరల్ చేస్తున్నారు.
