టాలీవుడ్ దర్శకుడు నాగ్ అశ్విన్ తెరకెక్కించిన ‘కల్కి 2898 ఏడి’ బాక్సాఫీస్ దగ్గర సెన్సేషనల్ హిట్‌గా నిలిచింది. ఈ సినిమాలో ప్రభాస్ హీరోగా నటించిన సంగతి తెలిసిందే. ఈ సినిమాకు సీక్వెల్ కూడా ఉండనుండటంతో కల్కి సీక్వెల్ చిత్రం ఎప్పుడెప్పుడు వస్తుందా అని అందరూ ఆసక్తిగా చూస్తున్నారు.
అయితే ఇప్పుడు నాగ్ అశ్విన్ ఆర్ఆర్ఆర్ బ్యూటీ ఆలియా భట్‌తో ఓ సినిమా చేసేందుకు రెడీ అవుతున్నట్లు తెలుస్తోంది. ఇప్పటికే ఆలియా భట్‌కు ఓ స్టోరీలైన్ చెప్పాడని.. ఆమె ఈ సినిమాకు గ్రీన్ సిగ్నల్ కూడా ఇచ్చినట్లు తెలుస్తోంది. కల్కి సీక్వెల్ మూవీ ప్రారంభం కావడానికి సమయం పడుతుండటంతో నాగ్ అశ్విన్ ఈ నిర్ణయం తీసుకున్నాడట.
ఇక ఈ సినిమాతో ఆలియా భట్ మరోసారి తన సత్తా చాటేందుకు సిద్ధమవుతుందట. మరి ఈ సినిమాకు సంబంధించిన అఫీషియల్ అనౌన్స్‌మెంట్ ఎప్పుడెప్పుడు వస్తుందా అని అభిమానులు ఆసక్తిగా చూస్తున్నారు.
