నేషనల్ క్రష్‌గా గుర్తింపు పొందిన రష్మిక మందన్న నటిస్తున్న తాజా సినిమా “ది గర్ల్‌ఫ్రెండ్” పై ఆసక్తి రోజు రోజుకీ పెరిగిపోతోంది. ఇప్పటికే వరుస విజయాలతో క్రేజ్ మీదున్న రష్మిక ఒక రొమాంటిక్ ఎంటర్‌టైనర్‌లో నటిస్తోందని తెలిసినప్పటి నుంచే ఈ సినిమాపై మంచి బజ్ నెలకొంది. ఇప్పుడు ఈ సినిమాతో సంబంధించి మొదటి మ్యూజిక్ అప్డేట్ వచ్చింది.
హేషమ్ అబ్దుల్ వాహబ్ స్వరపరిచిన “నదివే” అనే మెలోడీ వీడియో సాంగ్‌ను మేకర్స్ విడుదల చేశారు. ఈ పాట సాఫ్ట్ మ్యూజిక్‌తో, ఫీల్‌గుడ్ ట్యూన్స్‌తో ఎంతో హాయిగా సాగుతుంది. మెలోడీ తరహాలో రూపొందిన ఈ పాటను స్వయంగా హేషమ్ పాడిన తీరు మంచి అనుభూతిని ఇచ్చేలా ఉంది. స్క్రీన్ మీద రష్మిక మందన్న, దీక్షిత్ శెట్టి కలసి అందమైన స్టెప్పులతో ఆ పాటను మరింత ప్రత్యేకంగా తీర్చిదిద్దారు.
ఈ సినిమాకు దర్శకుడిగా రాహుల్ రవీంద్రన్ వ్యవహరిస్తున్నాడు. ప్రేమకథ నేపథ్యంలో ఈ చిత్రాన్ని రూపొందిస్తుండగా, ఫస్ట్ సాంగ్ వదిలిన దగ్గర నుంచి సినిమాపై అంచనాలు మరింతగా పెరిగాయి. ఇక ఈ సినిమాను పాన్ ఇండియా లెవెల్లో విడుదల చేయాలని మేకర్స్ ప్లాన్ చేస్తున్నారు. దీనికోసం ప్రమోషన్ కార్యక్రమాలను కూడా స్టెప్ బై స్టెప్ ప్లాన్ చేస్తున్నారు.
ప్రస్తుతం మ్యూజిక్ అప్డేట్‌తో మంచి శభ్దం తెచ్చుకున్న ఈ సినిమాకి సంబంధించి మిగతా వివరాల కోసం ఫ్యాన్స్ వేచి చూస్తున్నారు. రష్మిక ప్రెజెన్స్‌కి తోడు, కథా పరిణామాల మీద కూడా మంచి ఆసక్తి నెలకొంది.
