గత కొంతకాలం వరకు కూడా కెరీర్‌ పీక్‌లో ఉన్న తమన్నా ఈ మధ్య కాలంలో చాలా పరిమిత సినిమాల్లోనే యాక్ట్ చేస్తుంది. ఇటీవలే రజనీకాంత్ నటించిన ‘జైలర్’ సినిమాలో ‘కావాలా’ పాటలో డ్యాన్స్ చేసి అభిమానులను మరోసారి తన వైపు చూసేలా చేసుకుంది. ఆ తర్వాత హిందీ వెబ్ సిరీస్‌లు, సినిమాల్లో నటించడం మొదలుపెట్టింది.
బాలీవుడ్ చిత్ర పరిశ్రమలో నిర్మాత, నటుడు అయిన విజయ్ వర్మతో కలిసి తమన్నా ‘లస్ట్ స్టోరీస్ 2’ వెబ్ సిరీస్‌లో నటించింది. దీని తర్వాత, తమన్నా,విజయ్ వర్మ కలిసి ఉన్న ఫోటోలు సోషల్ మీడియాలో వైరల్ గా మారాయి. ఆ తర్వాత విజయ్ వర్మతో సన్నిహితంగా తమన్నా ఉండటంతో ప్రేమలో ఉన్నారని బాలీవుడ్‌లో వార్తలు షికార్లు చేశాయి.
ఇటీవల ఇంటర్వ్యూలో, నటుడు విజయ్ వర్మ ఈ విషయం గురించి నోరు తెరిచి, “తొలి రోజుల్లో ఇలాంటి వార్తలు చూసినప్పుడు మేము చాలా షాక్ అయ్యాము. మా వ్యక్తిగత విషయాలు, రిలేషన్ షిప్ గురించి తెలుసుకోవాలనే ఆసక్తి వాళ్లకు ఉండటం నాకు ఆశ్చర్యం కలిగించింది. తమన్నాకు నాకు ఉన్న బంధం అందమైనదని. సోషల్ మీడియాలో మాపై జరుగుతున్న ప్రచారాలను చూసి ఇద్దరం ఎంజాయ్ చేస్తున్నామని విజయ్ వర్మ చెప్పుకొచ్చాడు.
