భానుమతి..హైబ్రిడ్‌ పిల్ల…గా తెలుగు చిత్ర సీమకు పరిచయం అయిన సాయి పల్లవి దక్షిణ చిత్ర పరిశ్రమలలో తనకంటూ ప్రత్యేక స్థానాన్ని సంపాదించుకుంది. ఈ నేచురల్ బ్యూటీ గురించి ఎంత చెప్పినా తక్కువే. కేవలం నటనకు ప్రాముఖ్యత ఉన్న పాత్రను మాత్రమే ఎంచుకుంటూ తనదైన సహజ నటనతో అభిమానులను ఆకట్టుకుంటుంది.
ప్రేమమ్ అనే మలయాళం సినిమా ద్వారా చిత్ర పరిశ్రమకు పరిచయమైన సాయి పల్లవి ఆ తర్వాత.. ఫిదా సినిమాతో టాలీవుడ్ ప్రేక్షకులను ఆకట్టుకుంది. తన మొదటి సినిమాతోనే అందం, చలాకితనంతో తెలుగు ప్రేక్షకులకు బాగా దగ్గర అయింది. ఆ తరువాత కచ్చితంగా పాత్రకు అవకాశం ఉన్న సినిమాలను ఎంచుకుంటూ సినీ ఇండస్ట్రీలలో టాప్ హీరోయిన్ గా ముందుకు దూసుకెళ్తుంది.
ముఖ్యంగా టాలీవుడ్ చిత్ర పరిశ్రమలో ఆమెకు లేడీ మెగాస్టార్ అని పేరును కూడా ఈ మధ్యకాలంలో సంబోధిస్తున్నారు. ఇకపోతే ప్రతి ఒక్క నటుడికి వారి జీవితంలో ఏదోకడ్రీమ్ రోల్ చేయాలని ఉంటుందన్న విషయం తెలిసిందే. ఇందులో భాగంగానే తాజాగా ఓ యాంకర్ సాయి పల్లవిని మీ డ్రీమ్ రోల్ ఏంటి అని ప్రశ్నించగా…వెంటనే ఈ హైబ్రిడ్‌ పిల్ల ఏమాత్రం తడబడకుండా.. తనకి కామియో రోల్ అంటే చాలా ఇష్టమని., తాను సినిమాలో పూర్తిస్థాయిలో ప్రేక్షకులను నవ్వించాలని అనుకుంటున్నట్లు వివరించింది.
, అలాగే హీరోయిన్ మాత్రమే కాకుండా లేడీ కమెడియన్ కూడా అనిపించుకోవాలని ఉందని, అలాంటి పాత్ర ఒక్కటి వచ్చినా చాలు తాను వెంటనే నటిస్తానంటూ తన డ్రీమ్ రోల్ గురించి చెప్పుకొచ్చింది.
