హరోం హర అనే సినిమాతో నవ దళపతి ట్యాగ్‌ పెట్టుకున్న కృష్ణ చిన్నల్లుడు సుధీర్‌ బాబు ఈ సారి ఎమోషనల్‌ మూవీ మా నాన్న సూపర్ హీరోతో ప్రేక్షకుల ముందుకు వచ్చేందుకు రెడీ అవుతున్నారు. హరోం హర ఆశించిన ఫలితాన్ని ఇవ్వలేకపోయింది. అయినా వెనక్కి తగ్గకుండా జటాధర అనే సినిమా అనౌన్స్ చేసిన ఆయన ఇప్పుడు ‘మా నాన్న సూపర్‌హీరో’తో మరో సినిమాతో రెడీ అవుతున్నాడు.
లూజర్ సిరీస్ ఫేమ్ అభిలాష్ రెడ్డి కంకర దర్శకత్వం వహిస్తున్న ఈ సినిమాను సునీల్ బలుసు ప్రొడ్యూస్‌ చేస్తున్నారు. ఇప్పటికే షూటింగ్ పూర్తి చేసుకుని పోస్ట్ ప్రొడక్షన్ వర్క్ జరుపుకుంటోన్న ఈ సినిమా మేకర్స్ మూవీ విడుదలకు సంబంధించిన అప్డేట్ తాజాగా విడుదల చేశారు.
దసరా పండుగ సందర్భంగా మా నాన్న సూపర్‌హీరో విడుదల కానుందని, సినిమాల విడుదలకు బెస్ట్ సీజన్లలో దసరా ఒకటని ట్రేడ్ వర్గాల వారు చెబుతున్నారు.ఫ్యామిలీస్ ని ఎక్కువగా ఎట్రాక్ట్ చేసే కంటెంట్ ఉన్న ‘మా నాన్న సూపర్ హీరో’ రిలీజ్ కి దసరా పర్ఫెక్ట్ టైమ్ అని చిత్ర బృందం చెబుతున్నారు. ఎగ్జాక్ట్ రిలీజ్ డేట్ ని త్వరలోనే ప్రకటించనున్నారు. ‘మా నాన్న సూపర్‌హీరో’ మూవీ ప్రేమ, అనుబంధంకు నిజమైన అర్థాన్ని తెలుసుకుంటూ సోల్ ని కదిలించే జర్నీని ప్రారంభించిన ఫాదర్ అండ్ సన్ డ్రామా అని చెబుతున్నారు.
