దర్శకుడు హరీష్ శంకర్, మాస్‌ మహారాజా రవితేజతో కలిసి చేస్తున్న మూడో సినిమా “మిస్టర్ బచ్చన్”. ఈ సినిమా బాలీవుడ్ లో వచ్చిన ‘రైడ్’ సినిమాకి రీమేక్ గా రూపుదిద్దుకుంటుంది. ప్రస్తుతం సినిమా బృందం ఈ సినిమా విడదుల తేదీని తాజాగా ఖరారు చేసింది. ఆగస్టు 15 న ఈ సినిమా ప్రేక్షకుల ముందుకు రాబోతోంది. ఆగస్టు 14న ప్రీమియర్స్ ను చిత్ర బృందం ప్రదర్శించబోతున్నట్లు తెలుస్తుంది. ఇందుకు సంబంధించిన పోస్టర్ ను తాజాగా చిత్ర బృందం సోషల్ మీడియా వేదికగా విడుదల చేసింది.
నిజానికి ఈ సినిమా అక్టోబర్ 10న విడుదల చేద్దామని అనుకున్న పుష్ప 2 పోస్ట్ పోన్ అవ్వడంతో సినిమా కాస్త ముందుగానే విడుదలకు సిద్దం అయిపోయింది. యాక్షన్ ఎపిసోడ్స్ కు అధిక ప్రాధాన్యత ఈ సినిమాలో ఉండనున్నట్లు తెలుస్తుంది. రవితేజ.. బాలీవుడ్ హీరో అమితాబచ్చన్ అభిమాని అన్న సంగతి తెలిసిందే. ఇక మిస్టర్ బచ్చన్ సినిమాలో ఆయన అభిమానిగా కనిపించబోతున్నట్లు ఓ టాక్‌.
ఈ సినిమాలో హీరో రవితేజ నిజాయితీ ఉన్న ఆదాయపు పన్ను అధికారిగా కనిపిస్తున్నట్లు టీజర్ చూస్తే తెలుస్తుంది. ఈ సినిమాలో హీరో రవితేజ పక్కన భాగ్యశ్రీ బోర్సే హీరోయిన్గా నటిస్తున్న విషయం తెలిసిందే. జగపతిబాబు ఈ సినిమాలో ప్రధాన ప్రతి నాయకుడిగా యాక్ట్‌ చేస్తున్నారు.
