ఏపీలో ఎంతో ఉత్కంఠ రేపిన అసెంబ్లీ ఎన్నికల్లో పిఠాపురం నియోజకవర్గం నుంచి ఎమ్మెల్యేగా పోటీ చేసి భారీ విజయాన్ని సొంతం చేసుకున్న జనసేన అధినేత, నటుడు పవన్ కల్యాణ్‌ కు శుభాకాంక్షలు వెల్లువెత్తుతున్నాయి. చిరంజీవి, సూపర్ స్టార్ మహేష్ బాబు, మెగా పవర్ స్టార్ రామ్ చరణ్, యంగ్ టైగర్ ఎన్టీఆర్, ఐకాన్ స్టార్ అల్లు అర్జున్.. స్టార్స్ అందరూ పవన్‌కు విషెస్‌ చెప్పిన విషయం తెలిసిందే.
తాజాగా విక్టరీ వెంకటేష్ కూడా పవర్ స్టార్ శుభాకాంక్షలు చెప్పారు. ‘పిఠాపురం ఎమ్మెల్యే గారు’ అంటూ పవన్‌కు ప్రత్యేక అభినందనలు చెప్పారు. చారిత్రాత్మక విజయం సాధించిన నా ప్రియమైన పవన్ కల్యాణ్‌కు అభినందనలు. ఇంతటి గొప్ప విజయాన్ని అందుకోవడానికి మీకంటే అర్హులు ఎవరూ లేరు మిత్రమా… మీరు మరింత ఉన్నత శిఖరాలకు చేరుకోవాలని కోరుకుంటున్నా. మీ కృషి, శక్తి , అంకితభావాన్ని ఇలానే కొనసాగించండి. మీరు ప్రజలకు ఎనలేని సేవ చేయాలని కోరుకుంటున్నాను. పిఠాపురం ఎమ్మెల్యే గారు శుభాకాంక్షలు’ అని విక్టరీ వెంకటేష్ పేర్కొన్నారు. ‘గోపాల గోపాల’ చిత్రంలో వెంకీ, పవన్ కలిసి నటించిన విషయం తెలిసిందే.
