మెగాస్టార్ చిరంజీవి హీరోగా ..బింబిసార డైరెక్టర్ వశిష్ట కాంబోలో వస్తున్న సినిమా విశ్వంభర. ఈ సినిమా సోషియో ఫాంటసీ యాక్షన్‌ చిత్రంగా తెరకెక్కుతున్నట్లు చిత్ర బృందం ప్రకటించిన విషయం తెలిసిందే. ఈ సినిమా యూవీ క్రియేషన్స్ వారు నిర్మిస్తుండగా … ఈ సినిమాలో అందాల తార త్రిష హీరోయిన్‌ గా నటిస్తుంది.
సుమారు 18 సంవత్సరాల తరువాత చిరంజీవి, త్రిష కాంబోలో రాబోతున్న సినిమా కావడంతో మెగా అభిమానులు ఈ సినిమా కోసం ఎంతగానో ఎదురు చూస్తున్నారు. ప్రస్తుతం ఈ సినిమా షూటింగ్‌ ఎంతో వేగంగా జరుపుకుంటుంది. ఈ సినిమాని వచ్చే ఏడాది సంక్రాంతి కానుకగా అభిమానుల ముందుకు తీసుకుని వచ్చేందుకు చిత్ర బృందం సన్నాహాలు చేస్తుంది.
అసలు విషయం ఏంటంటే… తాజాగా హైదరాబాద్‌ లో షూటింగ్‌ జరుపుకుంటున్న ఈ సినిమా సెట్స్‌ లోకి పవర్‌ స్టార్‌ పవన్‌ కల్యాణ్‌ వచ్చారు. ఈ సందర్భంగా పవన్‌, చిరుతో కలిసి దిగిన ఓ పిక్ ని త్రిష తన సోషల్ మీడియా ఖాతాలో పోస్ట్ చేశారు. దీనిని చూసిన అభిమానులు తెగ సంబరపడతున్నారు.
త్రిష గతంలో పవన్‌ తో కలిసి తీన్ మార్ మూవీలో సందడి చేసిన విషయం తెలిసిందే. ఇక వారు ముగ్గురి పిక్ ప్రస్తుతం సోషల్ మీడియాలో వైరల్ గా మారింది.
