మెగాస్టార్ చిరంజీవి బర్త్ డే సందర్భంగా ప్రపంచ వ్యాప్తంగా ఉన్న మెగా అభిమానులంతా కూడా సేవా కార్యక్రమాలతో పాటు రక్తదానం, అన్నదానం వంటి కార్యక్రమాలను భారీ స్థాయిలో నిర్వహిస్తున్న సంగతి తెలిసిందే. అంతేకాకుండా…మెగాస్టార్ నటించిన ఇండస్ట్రీ హిట్‌ సినిమా ఇంద్ర. ఈ సినిమా విడుదలై 22 ఏళ్లు అయిన సందర్భంగా మెగాస్టార్ బర్త్ డే కానుకగా.. ఇంద్ర4k క్వాలిటీలో రీరిలీజ్ చేసారు మేకర్స్. వరల్డ్ వైడ్ రిలీజ్ అయిన ఇంద్ర హౌస్‌ఫుల్ షోస్ తో ఫ్యాన్స్ హంగామాతో థియేటర్లు మారు మోగుతున్నాయి.
కాగా తండ్రి మెగాస్టార్ చిరంజీవి పుట్టినరోజు సందర్భంగా తనయుడు రామ్ చరణ్ ఓ స్పెషల్ ఫోటోను అభిమానులతో షేర్ చేసుకున్నాడు. ఆ ఫోటోలో పంచె కట్టులో రేబాన్ గ్లాసెస్ ధరించి నిలబడి ఉన్న చిరు, వెనుక అదే వేషధారణలో ఉన్న మెగా తనయుడు చరణ్ ఉన్న ఫోటోను షేర్ చేస్తూ పుట్టిన రోజూ శుభాకాంక్షలు తెలిపాడు చరణ్. తాజాగా ఈ ఫోటో ఇప్పుడు సోషల్ మీడియాలో వైరల్ అవుతుంది. బాస్ బర్త్ డే నాడు చరణ్ షేర్ చేసిన ఈ పిక్ ను చూసి ఫ్యాన్స్ తెగ ఆనంద పడుతున్నారు.
అప్పటికీ ఇప్పటికీ ఎప్పటికీ బాస్ క్రేజ్ ఏ మాత్రం తగ్గలేదని, చరణ్ కంటే బాస్ అందంగా ఉన్నాడని మెగా అభిమానులు కామెంట్లు చేస్తున్నారు. మరోవైపు చిరు విశ్వంభర అనే చిత్రంలో నటిస్తున్న సంగతి తెలిసిందే.
