మెగా ప్రిన్స్ వరుణ్ తేజ్ కథానాయకుడిగా మీనాక్షి చౌదరి అలాగే బాలీవుడ్ బ్యూటీ నోరా ఫతేహి కథానాయికలుగా దర్శకుడు కరుణ కుమార్ తెరకెక్కిస్తున్న భారీ పాన్ ఇండియా సినిమా “మట్కా” గురించి అందరికీ తెలిసిందే. మరి ఈ సినిమా ఇంట్రెస్టింగ్ గ్యాంగ్ స్టర్ కం పీరియాడిక్ డ్రామాగా తెరకెక్కుతుండగా వరుణ్ తేజ్ కెరీర్ లోనే భారీ బడ్జెట్ తో ఈ సినిమా తెరకెక్కుతున్నట్లుగా సమాచారం.
ఇక ఈ సినిమా కోసం వరుణ్ తేజ్ ఓ సరికొత్త మేకోవర్ ని సిద్ధం చేయగా ఈ లుక్ పై ఫస్ట్ లుక్ పోస్టర్ ఎపుడు విడుదల చేస్తారు అనేది ఇప్పుడు మేకర్స్ ప్రకటించేశారు. మరి ఈ ఫస్ట్ లుక్ ని ఆదివారం ఆగస్ట్ 11న ఉదయం 11 గంటల 7 నిమిషాలకి విడుదల చేస్తున్నట్టుగా కన్ఫర్మ్ చేశారు. మరి దీనిపై కూడా ఒక ఇంట్రెస్టింగ్ ప్రీ లుక్ పోస్టర్ ని విడుదల చేశారు. దీంతో రేపు రానున్న పోస్టర్ పై మంచి ఆసక్తి నెలకొంది. ఇక ఈ చిత్రానికి జీవీ ప్రకాష్ కుమార్ సంగీతం అందిస్తుండగా “హాయ్ నాన్న” నిర్మాణ సంస్థ వైరా ఎంటర్టైన్మెంట్స్ వారు నిర్మాణ బాధ్యతలు చేపట్టారు.
