మాస్ మహారాజ రవితేజ హీరోగా నటించిన లేటెస్ట్ చిత్రం “మిస్టర్ బచ్చన్” తాజాగా విడుదలై బోలెడు నెగిటివిటీని సొంతం చేసుకున్న సంగతి తెలిసిందే. అనుకున్న అంచనాలను తారుమారు చేసింది. ఇక ఇది పక్కన పెడితే ఈ సినిమా తర్వాత రవితేజ చేస్తున్న 75వ చిత్రం షూటింగ్ లో రవితేజ గాయపడి ఆరు వారాల విశ్రాంతి అవసరం అనే వార్తలు వచ్చాయి. అలాగే దీంతో పాటుగా ఒక షాకింగ్ పిక్ కూడా వైరల్ గా మారింది.
దీంతో రవితేజ అభిమానుల్లో మరింత కంగారు ఏర్పడింది. కానీ ఇప్పుడు వారికి కొంచెం ఊరటనిచ్చే న్యూస్ ఒకటి బయటకి వచ్చింది. అది కూడా రవితేజ నుంచే తన హెల్త్ అప్డేట్ రావడం అనేది మరో విశేషం. తన సోషల్ మీడియాలో ఓ వీడియో పోస్ట్ చేస్తూ ఒక చిన్న సర్జరీ నుంచి ఇప్పుడే డిశ్చార్జ్ అయ్యాను. ప్రస్తుతం బాగానే ఉన్నాను, మీ అందరి ఆశీర్వాదం, ప్రేమ అందించినందుకు సంతోషంగా ఉందంటూ చెప్పుకొచ్చాడు.
