తెలుగు రాష్ట్రాల్లో మార్కో విధ్వంసం! టాలీవుడ్‌లో యాక్షన్ చిత్రాలకు ఎలాంటి ఆదరణ ఉంటుందో అందరికీ తెలిసిన విషయమే. అయితే, డబ్బింగ్ సినిమాలకు కూడా యాక్షన్ మూవీ లవర్స్ అదిరిపోయే రెస్పాన్స్ ఇస్తుంటారు. తాజాగా మలయాళంలో తెరకెక్కిన ‘మార్కో’ సినిమా కొత్త సంవత్సరం కానుకగా తెలుగులో విడుదల అయ్యింది.
ఈ సినిమాలో ఉన్ని ముకుందన్ హీరోగా నటించడం.. టీజర్, ట్రైలర్లలో మాస్ కంటెంట్ ఆకట్టుకునేలా ఉండటంతో ఇక్కడి ప్రేక్షకుల్లో ఈ సినిమాపై అంచనాలు భారీగా క్రియేట్ అయ్యాయి. ఇక ఈ సినిమాను పూర్తి వైలెంట్ మూవీగా నిర్మాతలు ప్రమోట్ చేయడంతో ఈ సినిమాను చూసేందుకు తెలుగు ప్రేక్షకులు విపరీతంగా ఆసక్తిని చూపారు. దీంతో ఈ సినిమాకు విడుదల రోజున మంచి ఆదరణ దక్కిందని చెప్పాలి.
‘మార్కో’ చిత్రానికి తెలుగు రాష్ట్రాల్లో తొలి రోజు ఏకంగా రూ.1.75 కోట్ల గ్రాస్ వసూళ్లు వచ్చినట్లు మేకర్స్ ప్రకటించారు. ఓ మలయాళ డబ్బింగ్ సినిమాకు ఇదే అత్యధిక వసూళ్లు అని మూవీ మేకర్స్ చెప్పారు. ఈ సినిమాను హనీఫ్ డైరెక్ట్ చేయగా ఇందులో సిద్ధీఖి, జగదీష్ తదితరులు ఇతర ముఖ్య పాత్రల్లో యాక్ట్‌ చేశారు.
