టాలీవుడ్ బాక్సాఫీస్ దగ్గర ప్రస్తుతం బ్లాక్‌బస్టర్ హిట్‌గా దూసుకెళ్తున్న మూవీ ‘సంక్రాంతికి వస్తున్నాం’. స్టార్ హీరో విక్టరీ వెంకటేష్, హిట్ మెషిన్ డైరెక్టర్ అనిల్ రావిపూడి కాంబోలో తెరకెక్కిన ఈ సినిమా పూర్తి ఫ్యామిలీ అండ్ కామెడీ ఎంటర్‌టైనర్‌గా ప్రేక్షకులను విపరీతంగా ఆకట్టుకుంటోంది. బాక్సాఫీస్ దగ్గర ఈ సినిమా వసూళ్ల వర్షం కురిపిస్తూ ముందుకు దూసుకెళ్తోంది.
అయితే, ఈ సినిమా విడుదలై 15 రోజులు అవుతున్నా, బాక్సాఫీస్ దగ్గర ఈ చిత్రానికి పోటీ లేకపోవడం విశేషం.సంక్రాంతి బరిలో విడుదలైన ఈ సినిమా మిగతా రెండు చిత్రాలు ‘డాకు మహారాజ్’, ‘గేమ్ ఛేంజర్’ చిత్రాలను వెనక్కి నెట్టి ‘సంక్రాంతికి వస్తున్నాం’ బ్లాక్‌బస్టర్ హిట్‌గా నిలిచింది. ఇక ఈ సినిమా విడుదలై రెండు వారాలు దాటినా ఫ్యామిలీ ఆడియన్స్ ఈ సినిమాను చూసేందుకు థియేటర్లకు క్యూ కడుతున్నారు.
ఇక ఈ వారం కూడా పెద్ద సినిమాలేవీ బాక్సాఫీస్ దగ్గర లేకపోవడంతో ఈ వీకెండ్ కూడా ‘సంక్రాంతికి వస్తున్నాం’కే ప్రేక్షకులు ఓటేయడం గ్యారంటీ అని తెలుస్తుంది. అటు వచ్చే వారం నాగచైతన్య తండేల్ విడుదల వరకు మరే ఇతర తెలుగు పెద్ద సినిమా లేదు. దీంతో అల్లుడు వచ్చే వరకు వెంకీ మామ బాక్సాఫీస్ దగ్గర ‘సంక్రాంతికి వస్తున్నాం’తో తన రన్ కంటిన్యూ చేయడం ఖాయం.
