ప్రస్తుతం మన టాలీవుడ్ సూపర్ స్టార్ మహేష్ బాబు హీరోగా దర్శకుధీరుడు ఎస్ ఎస్ రాజమౌళి కాంబో లో వరల్డ్ బాక్సాఫీస్ షేక్ అయ్యే భారీ సినిమా చేయబోతున్న సంగతి అందరికీ తెలిసిందే. మరి ఈ సినిమా ఎప్పుడప్పుడు మొదలవుతుందా అని అభిమానులు ఎంతగానో ఎదురు చూస్తున్నారు. అయితే ఈ సినిమాకి ముందే ఓ హాలీవుడ్ సినిమా కోసం మహేష్ బాబు ఇప్పుడు వర్క్ చేయబోతున్నారని సమాచారం.
ప్రస్తుతం హాలీవుడ్ నుంచి విడుదలకు సిద్దంగా ఉన్న అవైటెడ్ సినిమాల్లో లైవ్ మోషన్ కాప్చర్ చిత్రం “ముఫాసా” కూడా ఒకటి. డిస్నీ వారి “ది లయన్ కింగ్” కి సంబంధించిన సినిమా ఇది. దీంతో ఈ సినిమా కోసం ప్రపంచ వ్యాప్తంగా అభిమానులు ఎంతో ఆసక్తిగా ఎదురుచూస్తున్నారు. మరి ఈ సినిమా కోసమే ఇప్పుడు మహేష్ బాబు కూడా రంగంలోకి దిగినట్లు సమాచారం.
తాజా సమాచారం ప్రకారం ఈ సినిమాలో ముఫాసా పాత్రకి గాను మహేష్ బాబు తన గొంతుని అందించనున్నట్టుగా ఇప్పుడు టాక్‌. మహేష్ గతంలో కూడా పలు చిత్రాలకి తన వాయిస్ ని ఇచ్చిన సంగతి తెలిసిందే. కానీ ఒక పాత్రకి అది కూడా సింహానికి తన వాయిస్ ఓవర్ ని అందించడం ఇదే తొలిసారి. మరి ఇందులో ఇంకా ఎంతవరకు నిజముందో వేచి చూడాలి.
