కళ్లు..కళ్లు ఎలా ఉంటాయి… వేటకు వెళ్లేప్పుడూ పులి కళ్లలా ఉంటాయి
త్రివిక్రమ్‌- మహేష్‌ బాబు కాంబినేషన్‌ లో వచ్చిన అతడు సినిమా అందరికీ గుర్తుండే ఉంటుంది. అందులో పార్థు అలియాస్‌ నందుగా మహేష్‌ బాబు ప్రేక్షకులను అలరించిన సంగతి తెలిసిందే. ఇందులో సూపర్ స్టార్‌ కి జోడిగా త్రిష నటించింది. ఈ సినిమా వచ్చి ఏళ్లు గడిచినప్పటికీ ఇప్పుడు చూసినా ఇంకా ఏదో కొత్తదనం కనిపిస్తూనే ఉంటుంది.
ఈ సినిమా వచ్చి చాలా సంవత్సరాలు గడిచిన తరువాత ఇప్పుడు ఈ సినిమా గురించి ఎందుకు మాట్లాడుకుంటున్నాము అంటే.. మహేష్‌ బాబు తాజాగా తనది ఓ ఫొటోను విడుదల చేశాడు. దానిని చూసిన వారికి ఎవరికైనా సరే అతడు సినిమాలోని రాహుల్‌ దేవ్‌ ప్రకాష్‌ రాజ్‌ తో చెప్పే డైలాగు గుర్తుకు రావడం ఖాయం.
ప్రకాష్‌ రాజ్‌ మహేష్‌ బాబు గురించి ఎంక్వైరీ చేసేటప్పుడు కళ్లు..కళ్లు ఎలా ఉంటాయని రాహుల్‌ దేవ్‌ ని అడిగితే..దానికి అతను వేటకు వెళ్లేటప్పుడూ పులి కళ్లలా ఉంటాయని చెబుతాడు. ఇప్పుడు మహేష్‌ విడుదల చేసిన ఫొటోలో కూడా అచ్చం అలానే ఉన్నాడు. ఏళ్లు గడుస్తున్న కొద్ది వయసు పెరుగుతుంది కానీ.. మహేష్‌ వయసు మాత్రం తగ్గుతుంది.
కొంతకాలం క్రితం కొందరు విదేశీ యువతులను మహేష్‌ ఫొటో చూపించి వయసు ఎంత అని అడిగితే.. 25 నుంచి 30 లోపే ఉంటుందని వారు సమాధానం ఇచ్చారు. కానీ మహేష్‌ వయసు 48 సంవత్సరాలు అంటే వారు ఆశ్చర్యపోయారు. మరి సూపర్ స్టార్‌ అందం అలాంటిది. మహేష్‌ భార్య నమ్రత కూడా ఎప్పటికప్పుడూ మహేష్‌ చిత్రాలను సోషల్ మీడియాలో పంచుకుంటు ఉంటుంది.
ప్రస్తుతం మహేష్‌ రాజమౌళి సినిమాలో నటిస్తున్నాడు. తొలిసారి వీరిద్దరి కాంబోలో సినిమా వస్తుండటంతో అటు రాజమౌళి అభిమానులు, మహేష్‌ అభిమానులు ఎస్‌ఎస్‌ఎమ్‌బీ 29 సినిమా కోసం ఎంతో ఆసక్తిగా ఎదురు చూస్తున్నారు.
