కోలీవుడ్ స్టార్ హీరో విజయ్‌సేతుపతి తాజాగా నటించిన సినిమా ‘మహారాజ’. ఈ మూవీ ఇటీవలే విడుదలై భారీ విజయాన్ని అందుకున్న సంగతి తెలిసిందే. ఈ మూవీ విమర్శకులు, ప్రేక్షకుల ప్రశంసలు అందుకోవడంతో పాటు బాక్సాఫీస్‌ వద్ద సరికొత్త రికార్డులు సృష్టించింది. సస్పెన్స్‌, సెంటిమెంట్‌తో అద్భుతంగా ఈ మూవీని తెరకెక్కించిన డైరెక్టర్ నిథిలన్‌ స్వామినాథన్‌ ప్రతిభకు అందరూ ఫిదా అయిపోయారు.
ఈ క్రమంలోనే తాజాగా ఆయన్ని సూపర్‌స్టార్‌ రజనీకాంత్‌ అభినందించారు. ఇటీవల ఈ సినిమాను చూసిన సూపర్‌స్టార్‌ రజనీకాంత్‌.. డైరెక్టర్ ను తన ఇంటికి ఆహ్వానించి మరీ ప్రశంసించారు. రజనీకాంత్‌తో కలిసి తీసిన ఫోటోలను దర్శకుడు నిథిలన్‌ తన సోషల్ మీడియాలో షేర్‌ చేస్తూ ఆయనతో సమావేశమైనందుకు సంతోషాన్ని వ్యక్తం చేశారు.
రజనీకాంత్‌ తనతో సినిమా, జీవితం గురించి చాలా విషయాలు పంచుకున్నారని సమాచారం. మీ మాటలు బంగారు అక్షరాలతో వ్రాసిన నవల చదివినట్లుగా ఉన్నాయి. వాటి నుంచి నేను తమిళ సినిమా ప్రపంచంలో మరో జీవితాన్ని చవిచూస్తాను. మీ జీవితానుభవ విషయాలు నాతో పంచుకుని చాలా సంతోషాన్ని ఇచ్చారు. మీ వినయం, ఆతిథ్యానికి నేను ఎప్పటికీ మరిచిపోలేనుని తన సోషల్ మీడియా ఖాతాలో రాసుకొచ్చారు.
