మన టాలీవుడ్‌ ల చాలా మంది తెలుగు హీరోలకు సొంత బ్యానర్లు ఉన్న విషయం తెలిసిందే. అలా సొంత బ్యానర్‌ ఉన్న హీరోలలో నితిన్ కూడా ఒకరు. అయితే ఎక్కువగా నిర్మాణ బాధ్యతలు నితిన్ సోదరి అలాగే నితిన్ తండ్రి నిర్వహిస్తుంటారు. కానీ ఒక కథ నచ్చడంతో ఇప్పుడు మొట్టమొదటిసారిగా నితిన్ కూడా నిర్మాతగా అవతారం ఎత్తబోతున్నారు.
ఇప్పటికే హీరోగా పలు సినిమాలు చేస్తున్నాడు నితిన్. అయితే తమిళ్ డైరెక్టర్ సంతోష్ చెప్పిన కథ నచ్చడంతో ఆయన ఒక సినిమా నిర్మించేందుకు రెడీ అయ్యాడు. ఒక నిజ జీవిత ఘటన ఆధారంగా రాసుకున్న స్క్రిప్ట్ సంతోష్ నితిన్ కి నెరేట్ చేయగా అది ఆయనకు బాగా నచ్చినట్లు సమాచారం. ఈ సినిమాలో హీరోగా నటించమని విక్టరీ వెంకటేష్ ని నితిన్ అండ్ కో అప్రోచ్ అయ్యారని వెంకటేష్ కథ విని ఇంకా గ్రీన్ సిగ్నల్ ఇవ్వాల్సి ఉందని తెలుస్తోంది.
ఇక ఇన్వెస్టిగేటివ్ థ్రిల్లర్గా రూపొందిస్తున్న ఈ సినిమాలో వెంకటేష్ ఒక పోలీస్ అధికారి పాత్రలో కనిపించనున్నాడు. అలాగే ఇప్పటికే కీర్తి సురేష్ ఈ సినిమా సైన్ చేసినట్లుగా సమాచారం. ఇక ఈ సినిమాలో నితిన్ కూడా ఒక చిన్నపాటి అతిథి పాత్రలో కనిపించనున్నాడని సమాచారం. లాయర్ పాత్రలో ఆయన కనిపించబోతున్నాడని తెలుస్తోంది.
తమిళ నటుడు నరేన్ ఈ సినిమాలో ఓ కీలక పాత్రలో కనిపించనున్నారు. ఈ మధ్యనే సంతోష్ అతని టీంతో కలిసి టెస్ట్ షూట్ కూడా చేశారు. అంతా ఓకే అయింది. వెంకటేష్ నుంచి గ్రీన్ సిగ్నల్ రాగానే సినిమా పట్టాలెక్కే అవకాశం కనపడుతుంది. నితిన్ తో పాటు రాజకుమార్ ఆకెళ్ళ ఈ సినిమాని రూపొందించబోతున్నారు.
