అభిమానులకు మాత్రమే కాకుండా, సినీ హీరోలకు,హీరోయిన్లకు కూడా అభిమాన నటులు , నటీమణులు ఉంటారు. ఇప్పటి తరం యంగ్‌ హీరోల్లో చాలా మంది తమ అభిమాన నటుడిగా చిరంజీవిని పేర్కొంటారు. అలాంటి వారిలో రవితేజ కూడా ఒకరు. ఆయన్ని చూస్తూ సినిమాల్లోకి వచ్చినట్లు ఆయన చాలా సందర్భాల్లో వివరించారు కూడా.
రవితేజ ప్రస్తుతం పాన్ ఇండియా లెవల్లో హీరో కావాలని ప్రయత్నాలు చేస్తున్నాడు. ఈ క్రమంలోనే టైగర్‌ నాగేశ్వరరావు, ఈగల్‌ చిత్రాల ద్వారా ప్రేక్షకుల్ని అభిమానుల్ని ఆకట్టుకునే ప్రయత్నం చేశాడు. ఈ విషయంలో కొంచెం సక్సెస్‌ అయ్యాడు కూడా. అయితే ప్రస్తుతం హరీశ్‌ శంకర్‌ డైరెక్షన్‌ లో మిస్టర్ బచ్చన్‌ అనే సినిమాను చేస్తున్నారు.
ఈ సినిమా మీద అభిమానులు భారీ అంచనాలు పెట్టుకున్నారు. ఈ చిత్రానికి సంబంధించిన షూటింగ్‌ మొదలైనట్లు చిత్ర బృందం వెల్లడించింది కూడా. రవితేజ తాజాగా ఓ ఇంటర్వ్యూలో పాల్గొన్నాడు. అందులో యాంకర్‌ మీతో నటించిన వారిలో ఏ హీరోయిన్‌ అంటే మీకు ఇష్టమని అడగగా…ఆయన అనుష్క నటన అంటే చాలా ఇష్టమని చెప్పుకొచ్చారు.
అనుష్క రవితేజ కలిసి విక్రమార్కుడు, బలాదూర్‌ సినిమాలు చేశారు. అయితే ఇందులో విక్రమార్కుడు సూపర్‌ హిట్‌ అవ్వగా..బలాదూర్‌ డిజాస్టర్‌ గా నిలిచింది.
