కోలీవుడ్‌ లో లియో సినిమా ఘన విజయాన్ని సాధించిన తరువాత లోకేష్ కనగరాజ్ ప్రస్తుతం రజినీకాంత్‌ నటిస్తున్న కూలీ సినిమాకి డైరెక్షన్‌ చేస్తున్నాడు.
కొద్ది రోజుల క్రితం విడుదలైన ఈ సినిమా టైటిల్ అనౌన్స్‌మెంట్ వీడియో అందరి దృష్టిని ఆకర్షించి సినిమాపై అంచనాలను భారీగా పెంచింది. 4 నెలలకు పైగా లోకేష్ కనగరాజ్ కూలీ సినిమా కోసం కథ రాసుకున్నాడు. ఈ సినిమా షూటింగ్ త్వరలో మొదలు కానుంది. కూలీ చిత్రంలో రజనీకాంత్‌తో పాటు సత్యరాజ్ ఇతర ప్రముఖ నటులు నటించారు.
ఈ చిత్రానికి సంబంధించిన ఇతర నటీనటులు, సాంకేతిక నిపుణుల వివరాలను త్వరలో ప్రకటిస్తారు. అన్బరీవ్ మాస్టర్స్ ఈ చిత్రానికి ఫైట్ సీక్వెన్స్‌లను రూపొందిస్తున్నారు. జైలర్ విజయం తర్వాత రజనీకాంత్ ఉత్సాహంగా ఉన్నారు. అదే సమయంలో ఆయన స్పెషల్ అప్పియరెన్స్‌లో నటించిన ఆ సినిమా తర్వాత వచ్చిన లాల్ సలామ్ సినిమా ఆశించిన విజయాన్ని అందుకోలేదు.
కూలీ షూటింగ్ త్వరలో ప్రారంభం కానుంది. ఈ దశలో కూలీ చిత్రానికి సంబంధించి మోడల్ లుక్ ఫోటో షూట్ నిర్వహించారు. ఇందులో రజనీకాంత్ తన కొత్త లుక్‌తో అద్దం ముందు నిలబడి ఉన్న చిత్రాన్ని లోకేష్ కనగరాజ్ వెనక నుంచి తీశారు. ఈ లుక్ ప్రస్తుతం సోషల్ మీడియాలో వైరలవుతోంది.
