కోలీవుడ్ హీరో ధనుష్, టాలీవుడ్ కింగ్ నాగార్జున, నేషనల్ క్రష్ రష్మిక మందన్నా వంటి టాప్ స్టార్స్ కలిసి నటించిన సినిమా ‘కుబేర’ గురించి ఇప్పుడు మంచి హైప్ కొనసాగుతోంది. మ్యూజికల్ ఎమోషనల్ డ్రామాలకి పేరున్న శేఖర్ కమ్ముల దర్శకత్వం వహిస్తున్న ఈ చిత్రం ఇప్పటికే ట్రైలర్‌తో అంచనాలు పెంచేసింది.
ఇక ఈ సినిమాను భారీ నిడివితో థియేటర్లకు తీసుకురానున్నారనే మాట చాలాసార్లు వినిపించింది. మొదట 3 గంటల 15 నిమిషాల నిడివి ఉంటుంది అన్న టాక్ వచ్చినా.. ఆ తరువాత ఓ క్లారిటీ రానివ్వలేదు. అయితే తాజాగా కుబేర మూవీ సెన్సార్ కార్యక్రమాలు పూర్తి చేసుకున్నట్టు మేకర్స్ అధికారికంగా ప్రకటించారు.
సెన్సార్ బోర్డు ఈ సినిమాకి యూ/ఏ సర్టిఫికెట్ ఇచ్చింది. అంతేకాదు, అసలు సినిమాకి ఫైనల్‌గా ఎంత నిడివి ఉండబోతోందో కూడా స్పష్టత వచ్చింది. మొత్తంగా కుబేర రన్ టైమ్ 3 గంటల 1 నిమిషంగా ఫిక్స్ చేసినట్టు తెలుస్తోంది. అంటే ఈ సినిమా ఒక్కసారి మొదలైతే చాలాసేపు ప్రేక్షకులను థియేటర్ సీట్లో కూర్చోబెడితే తప్పదు.
ఈ భారీ ప్రాజెక్టుకు దేవిశ్రీ ప్రసాద్ సంగీతం అందిస్తుండగా, అమిగోస్ సినిమాస్ మరియు శ్రీ వెంకటేశ్వర సినిమాస్ ఎల్ఎల్‌పి సంస్థలు కలిసి నిర్మాణ బాధ్యతలు చేపట్టాయి. ఇక ఈ సినిమా ఎలా ఉంటుందో తెలుసుకోవాలంటే జూన్ 20వ తేదీ వరకు వెయిట్ చేయాల్సిందే.
