గ్లోబల్ స్టార్ రామ్ చరణ్ హీరోగా బుచ్చిబాబు సానా డైరెక్షన్‌లో తెరకెక్కుతున్న తాజా సినిమా పెద్ధి మీద ఇప్పటికే బాగా హైప్ ఏర్పడింది. చరణ్ పూర్తిగా మాస్ లుక్‌లో కనిపించబోతున్న ఈ రూరల్ బ్యాక్‌డ్రాప్ స్పోర్ట్స్ డ్రామా సినిమాపై అభిమానుల్లో భారీ ఎక్సైట్ కనిపిస్తోంది. ఆయనకు అలా రగడ్ అవతారం సెట్ అవుతుంటే, ఈ సినిమా కోసం ఫ్యాన్స్ ఎగ్జైట్ కావడం మామూలు విషయమే కాదు.
ఇక తాజాగా ఈ మూవీకి సంబంధించి ఇంకో ఇంట్రెస్టింగ్ అప్‌డేట్ ఫిలింనగర్‌లో హాట్ టాపిక్‌గా మారింది. ఈ సినిమాలో ఓ మాస్ యాటిట్యూడ్‌తో నిండిన స్పెషల్ సాంగ్ ఉండబోతుందని టాక్. ఈ పాటలో పవర్‌ఫుల్ డ్యాన్స్ మూమెంట్స్‌తో అలరించిన శ్రీలీల మరోసారి తన ఎనర్జీతో తెరపై సందడి చేయబోతుందట. ఇటీవల పుష్ప 2లో ఆమె చేసిన ఐటెం సాంగ్‌కు మంచి రెస్పాన్స్ రావడంతో, ఇప్పుడు బుచ్చిబాబూ కూడా ఈ బ్యూటీని ‘పెద్ది’ కోసం రీపీట్ చేయాలనుకుంటున్నట్టు వార్తలు వినిపిస్తున్నాయి.
ఇక శ్రీలీల విషయానికి వస్తే, ఆమె ప్రస్తుతం సినిమాలను చాలా సెలెక్టివ్‌గా ఓకే చేస్తోంది. అలాంటిది రామ్ చరణ్ సినిమా కోసం స్పెషల్ సాంగ్‌కి గ్రీన్ సిగ్నల్ ఇచ్చిందంటే, ఇందులో ఏదో స్పెషల్ ఉంటుంది అనడంలో సందేహం లేదు. అయితే నిజంగా ఈ పాట ఆమెతో ఉంటుందా లేదా అన్నది త్వరలో క్లారిటీకి వస్తుంది. కానీ అప్పటికే చరణ్ మాస్ గెటప్, స్పోర్ట్స్ బ్యాక్‌డ్రాప్, బుచ్చిబాబు టేకింగ్‌ సినిమాపై భారీ బజ్ పెంచేశాయి.
ఇలాంటి హైప్ మధ్య శ్రీలీల ఎంట్రీ ఉంటే ఫాన్స్ ఉత్సాహం ఇంకొంచెం పెరుగుతుందేమో చూడాలి.
