యంగ్ హీరోల్లో ఒకరైన కిర‌ణ్ అబ్బ‌వ‌రం నటిస్తున్న తాజా చిత్రం ”క” . ఈ సినిమా ఇప్ప‌టికే ప్రేక్ష‌కుల్లో మంచి బ‌జ్ ను క్రియేట్ చేసిన విషయం తెలిసిందే. ఈ సినిమాను అనౌన్స్ చేయ‌గానే అభిమానుల్లో క్యూరియాసిటీ మొదలయ్యింది. ‘క’ అనే ఇంట్రెస్టింగ్ టైటిల్ ఈ సినిమాపై అంచ‌నాలు ఏర్ప‌డేలా చేసింది. ఇక తాజాగా కిర‌ణ్ అబ్బ‌వ‌రం పుట్టిన‌రోజు కానుక‌గా ఈ సినిమా టీజ‌ర్ ను చిత్ర బృందం విడుదల చేసింది.
1970 నేప‌థ్యంలో సాగే ఈ మూవీలో కిర‌ణ్ అబ్బ‌వ‌రం ఓ పోస్ట్ మెన్ గా క‌నిపిస్తున్నాడు. అయితే, అత‌డికి సంబంధించిన గ‌తం గురించి తెలుసుకునే క‌థే ఈ సినిమా మెయిన్ గా ఉండ‌నున్న‌ట్లు ఈ టీజ‌ర్ చూస్తే తెలుస్తుంది. ఈ సినిమాలో యాక్ష‌న్ కు ఏమాత్రం కొదువ లేకుండా ఈ టీజ‌ర్ క‌ట్ ఉండటంతో సినిమాపై మంచి ఆస‌క్తి నెల‌కొంది.
ఇక కిర‌ణ్ అబ్బ‌వ‌రం మేకోవ‌ర్ కూడా ప‌ర్ఫెక్ట్ గా ఉండటంతో అభిమానులు ఈ సినిమాను ఎప్పుడెప్పుడు చూద్దామా అని ఎంతో ఆస‌క్తిగా ఎదురు చూస్తున్నారు. ఈ సినిమాలో తాన్వి రామ్, న‌య‌న్ సారిక హీరోయిన్లుగా నటిస్తున్నారు. సుజిత్, సందీప్ సంయుక్తంగా డైరెక్ట్ చేస్తున్న ఈ సినిమా కిర‌ణ్ అబ్బ‌వ‌రం కెరీర్ లోనే బిగ్గెస్ట్ బ‌డ్జెట్ మూవీగా వస్తుంది.
