యంగ్ హీరో కిరణ్ అబ్బవరం నటించిన తాజా సినిమా ‘క’ బాక్సాఫీస్ దగ్గర మంచి విజయాన్ని అందుకుని బాక్సాఫీస్ వద్ద ఫుల్‌ సందడి చేస్తూ మంచి వసూలు రాబడుతుంది. సందీప్-సుజిత్ సంయుక్తంగా తెరకెక్కించిన ఈ థ్రిల్లర్ మూవీ మాస్ ఆడియెన్స్‌ను సైతం ఆకట్టుకోవడంతో ప్రేక్షకులు ఈ సినిమాకు బాగానే కనెక్ట్ అవుతున్నారు. ఇక ఈ సినిమాపై భారీ నమ్మకాలు పెట్టుకున్న చిత్ర యూనిట్‌కు సక్సెస్ మంచి జోష్‌ని అయితే నింపింది.
అయితే, ‘క’ సినిమా సక్సెస్‌ను ఎంజాయ్ చేస్తున్న కిరణ్ అబ్బవరం తన అభిమానులకు మరో ట్రీట్ ఇచ్చేందుకు సిద్ధంగా ఉన్నట్లు సమాచారం. తన తరువాత సినిమాని ‘దిల్ రుబా’ అనే సినిమాను విడుదలకు సిద్దమవుతున్నాడంట. ఈ సినిమాలో రుక్సర్ ఢిల్లోన్ హీరోయిన్‌గా చేసింది. అయితే, ‘క’ కంటే ముందే ఈ సినిమా విడుదల అవ్వాల్సి ఉంది. కానీ, కొన్ని కారణాల వల్ల ఈ సినిమా విడుదల వాయిదా పడింది.
దీంతో ఇప్పుడు ఈ సినిమాను ప్రేక్షకుల ముందుకు తీసుకుని వచ్చేందుకు రెడీ చేస్తున్నారట మేకర్స్. ఈ చిత్రాన్ని విశ్వ కరుణ్ అనే కొత్త దర్శకుడు తెరకెక్కించాడని.. పూర్తి లవ్ స్టోరీ కథతో ఈ సినిమా యూత్‌ని ఆకట్టుకుంటుందని చిత్ర యూనిట్ అనుకుంటుంది. మరి ఈ ‘దిల్ రుబా’ సినిమాను ఎప్పుడు విడుదల చేస్తారనే విషయంపై అధికారిక ప్రకటన అయితే విడుదల కావాల్సి ఉంది..
