ఈ మధ్య కాలంలో తెలుగులో ఎటువంటి అంచనాలు లేకుండా విడుదలైన సినిమాలు భారీ విజయాన్ని అందుకుంటున్నాయి. అసలు కొన్ని తెలుగు సినిమాలు ప్రేక్షకుల్ని అయోమయంలో పడేస్తున్నాయి. సినిమాలోని కాంబినేషన్ ను చూసి ప్రేక్షకులకు మతులు పోతున్నాయి. కొన్ని కాంబోలు అయితే మన ఊహకు కూడా అందని రీతిలో ఉంటున్నాయి.
ఈ కాంబో కూడా అలాంటిదే… వెబ్‌ సిరీస్, షార్ట్‌ ఫిలింస్‌ చేస్తూ , సినిమాల్లో హీరో స్నేహితునిగా ఉంటూ బాగా పేరు తెచ్చుకున్న నటుడు సుహాస్‌. వరుస సినిమాలు చేస్తూ మంచి పేరుతో ముందుకు దూసుకుపోతున్నాడు. బ్యాక్‌ టు బ్యాక్‌ సినిమాలతో మంచి దూకుడు మీద ఉన్నాడు.
తాజాగా అంబాజీ పేట మ్యారేజ్‌ బ్యాండ్‌ సినిమాతో సూపర్‌ హిట్‌ అందుకున్నాడు. ఈ క్రమంలోనే సుహాస్‌ కీర్తి సురేష్‌ కాంబోలో ఓ సినిమా రాబోతుందని సమాచారం. వీళ్లిద్దరి కాంబినేషన్ లో ఉప్పు కప్పురంబు అనే సినిమా రాబోతుంది. ఈ సినిమా డైరెక్ట్ ఓటీటీలో రిలీజ్ కాబోతుంది. ఈ సినిమాని అమెజాన్‌ నిర్మిస్తున్న ఒరిజినల్‌ సినిమా. ఈ సినిమాకు ఐవీ శశి దర్శకత్వం వహించగా..ఎల్లనార్‌ ఫిల్మ్స్‌ ప్రైవేట్‌ లిమిటెడ్‌ బ్యానర్‌ పై రాధికా లావు నిర్మిస్తున్నారు.
మంగళవారం ముంబైలో జరిగిన ప్రైమ్‌ ఈవెంట్‌ లో ఈ సినిమాకు అఫిషియల్‌ గా అనౌన్స్‌ ఇచ్చారు. సుహాస్‌ కీర్తి సురేష్‌ తో నటించడం గురించి సుహాస్‌ ఫ్యాన్స్‌ సంతోషాన్ని వ్యక్తం చేస్తున్నారు. ఈ సినిమాలో కీర్తి సురేష్‌- సుహాస్‌ జంటగా నటిస్తున్నారా లేదా అనేది ఇంకా పూర్తి క్లారిటీ లేదు.
సుహాస్‌ ప్రస్తుతం నాలుగు, ఐదు సినిమాలు చేస్తూ చేతినిండా సినిమాలతో తీరిక లేకుండా ఉన్నారు. ప్రసన్న వదనం, శ్రీరంగ నీతులు, గొర్రె పురాణం, ఆనందరావు అడ్వెంచర్స్‌ సినిమాలతో ఫుల్‌ బిజీగా ఉన్నాడు. మరి ఈ సినిమా ఎప్పుడూ సెట్స్‌ మీదకు వెళ్తుందో వేచి చూడాలి.
