సౌత్‌ లో మహనటిగా పేరు తెచ్చుకున్న నటి కీర్తి సురేష్‌ ఇప్పుడు తాజాగా ఆమె బాలీవుడ్ లో కూడా అడుగు పెడుతున్నట్లు సమాచారం. బాలీవుడ్ నటుడు వరుణ్‌ ధావన్‌ హీరోగా తెరకెక్కుతున్న సినిమా బేబీ జాన్‌ తో ఆమె బాలీవుడ్ కి పరిచయం కానుంది. ఈ సినిమాని కాలీస్ డైరెక్టర్‌ తెరకెక్కిస్తున్నారు. ఈ సినిమా యాక్షన్‌ ఎంటర్‌టైన్‌మెంట్‌ గా రూపుదిద్దుకుంటున్న చిత్రం.
తాజాగా ఈ సినిమాకు సంబంధించిన కొత్త షెడ్యూల్ మొదలు కానుంది. ఈ క్రమంలో కీర్తి షూటింగ్‌ లో పాల్గొంది. దీనికి సంబంధించి ఆమె ఓ వీడియో పోస్ట్‌ చేసింది. బేబి జాన్‌ సెట్స్ లో బేబీ కీర్తి అంటూ ఆ వీడియో కింద రాసుకొచ్చింది. బేబి కీర్తి అనే పేరున్న బట్టలు ధరించి ఎంతో యాక్టివ్‌ సందడి చేస్తుంది.
దీన్ని బట్టి చూస్తే బాలీవుడ్ ఎంట్రీ ఆమెకు ఎంతో సంతోషాన్ని ఇచ్చినట్లు కనపడుతోంది. అయితే ఈ చిత్రాన్ని మే 31న విడుదల చేయాలనుకున్నారు ..కానీ పలు కారణాల వల్ల వాయిదా పడే అవకాశం ఉన్నట్లు తెలుస్తోంది. ప్రస్తుతం కీర్తి తమిళంలో మూడు, చిత్రాలతో బిజీగా ఉంది.
