కోలీవుడ్ స్టార్ హీరో సూర్య ప్రధాన పాత్రలో నటిస్తున్న తాజా సినిమా ‘కంగువా’. శివ దర్శకత్వంలో వస్తున్న ఈ సినిమా ఫాంటసీ యాక్షన్‌ ఫిల్మ్‌గా తెరకెక్కుంతుంది. ఈ చిత్రాన్ని యూవీ క్రియేషన్స్, స్టూడియో గ్రీన్‌ పతాకంపై కేఈ జ్ఞానవేల్ రాజా ఎంతో ప్రతిష్టాత్మకంగా రూపొందిస్తున్నారు. పది భాషల్లో రూపుదిద్దుకుంటున్న ఈ సినిమాలో దిశా పటానీ కథానాయిక కాగా.. బాబీ డియోల్‌ ఓ కీలక పాత్ర లో
నటిస్తున్నాడు.
అక్టోబర్‌ 10న కంగువా విడుదల కానుంది. అయితే ఈ మూవీకి సంబంధించి ఓ మేటర్‌ తాజాగా నెట్టింట వైరల్‌గా మారింది. కంగువా సినిమాలో సూర్య సోదరుడు కార్తి యాక్ట్‌ చేస్తున్నారని సోషల్ మీడియాలో ఇంతకు ముందే కొన్ని వార్తలు చక్కర్లు కొట్టిన విషయం తెలిసిందే. తాజాగా దీనిపై ఓ క్లారిటీ వచ్చింది. సూర్య పుట్టినరోజును పురస్కరించుకొని ఇటీవల ‘ఫైర్‌ సాంగ్’ను చిత్ర యూనిట్ విడుదల చేసింది. ఈ సాంగ్ ప్రమోషన్స్‌లో భాగంగా తాజాగా ఓ ఇంటర్వ్యూలో లిరిక్‌ రైటర్‌ వివేక పాల్గొనగా.. కంగువా లో కార్తీ యాక్ట్‌ చేస్తున్నారని వార్తలు వస్తున్నాయి?.. అందులో నిజమెంత? అని ఓ రిపోర్టర్ అడగగా..
దీని గురించి ‘డైరెక్టర్ చెప్పకుండా ఈ విషయాన్ని ఎలా బయటకు తెలియజేయాలో నాకు తెలియదు. అయితే సూర్య, కార్తీ కాంబోలో సీన్స్‌ ఉంటాయి’ అని తెలిపారు. దీంతో ఇంకేముంది.. కంగువాలో కార్తీ నటిస్తున్నాడని వివేక చెప్పకనే బయటకు చెప్పేశారు. ఈ విషయం తెలుసుకున్న కార్తీ అభిమానులు ఆనందం వ్యక్తం చేస్తున్నారు.
